Fréttir

Það flaug í gegnum samfélagsmiðilinn facebook um daginn færsla um reglur, hvernig kona eigi að taka á móti eiginmanni sínum þegar hann kemur heim úr vinnunni, sem voru teknar upp úr kennslubók í heimilisfræði síðan 1950. Þegar ég byrjaði að lesa þær verð ég að viðurkenna að ég varð pínu reið inn í mér, trúði því ekki að það hafi verið til reglur um þetta sem krakkar lásu í kennslubók, en sem betur fer er tíminn annar í dag og vonandi verður þessi bók endurútgefin með nýju reglunum.

Kristjáni Þorbjörnssyni, sem starfaði sem yfirlögregluþjónn hjá lögreglunni á Norðurlandi vestra, var sagt upp störfum í gærmorgun og staða hans lögð niður. Tveir yfirlögregluþjónar voru áður hjá embættinu, Kristján með aðsetur á Blönduósi og Stefán Vagn á Sauðárkróki.

Undirbúningur að Jónsmessuhátíð á Hofsósi er nú að fara á fullan skrið. Hátíðin verður haldin helgina 16. - 18. júní og er dagskráin óðum að taka á sig mynd. Hafa forsvarsmenn hátíðarinnar lagt inn góðviðrisóskir hjá veðurguðunum en svar hefur þó ekki borist.

Í dag er alþjóðlegi pizzupartýdagurinn, er þá ekki alveg tilvalið að skella í heimabakaða humarpizzu og bjóða vinum í mat

Á fundi byggðarráðs Skagafjarðar sem haldinn var í vikunni var lagður fram til kynningar tölvupóstur frá Landsneti þar sem segir að Landsnet vinni að undirbúningi við mótun kerfisáætlunar sem er ætlað að gefa heildarsýn yfir þróun flutningskerfis raforku á næstu árum. Landsnet mun vinna umhverfismat fyrir kerfisáætlun um umhverfismat áætlana og er matslýsingin aðgengileg á heimasíðu Landsnets www.landsnet.is.

Sjúkraflutningamenn á Blönduósi hafa frestað gildistöku uppsagna um eina viku í von um að kjaradeila þeirra leysist en sex af þeim sjö sjúkraflutningamönnum sem starfa hjá HSN á Blönduósi hafa sagt upp störfum.

Nýjasta tískuslysið eru gallabuxur sem þú getur tekið skálmarnar af og þá ert þú komin með mjög stuttar stuttbuxur, eða eins og ég vil kalla það bleyjubuxur.

Þrír nýir stjórnarmenn voru kjörnir í stjórn Markaðsstofu Norðurlands, á aðalfundi sem haldinn var á Hótel KEA þriðjudaginn 16. maí. Kosið var um tvær stöður aðalmanna á Norðurlandi eystra, þar sem fjórir voru í framboði, og eina stöðu á Norðurlandi vestra en þar var einn frambjóðandi.

Stundum er betra að fresta hlutunum til morguns. Vegna kulda og bleytu frestum við vorhreinsun í kirkjugarðinum til morguns, föstudagsins 19. maí, milli klukkan fimm og sjö síðdegis. Samkvæmt veðurspánni á þá að vera komið hæglætis veður og hitastigið komið í tveggja stafa tölu.

Á fundi byggðaráðs Blönduósbæjar, sem haldinn var í gær, var samþykkt ályktun vegna þess óvissuástands sem skapast hefur í sjúkraflutningum í Austur-Húnavatnssýslu. Sex sjúkraflutningamenn í hlutastarfi hjá Heilbrigðisstofnun Norðurlands á Blönduósi, hafa sagt upp störfum vegna óánægju með kaup og kjör. Segja þeir að ósamræmi sé á milli launa hlutastarfandi sjúkraflutningsmanna innan starfssvæðis HSN.