Fréttir

Óperusöngkonan Alexandra Chernyshova situr ekki auðum höndum frekar en fyrri daginn, en hún hefur verið að sýna óperuuppfærslu á sögu sem mamma hennar samdi „Ævintýrið um norðurljósin“. Kom hún á Sæluviku Skagfirðinga með verkið sem sýnt var í Miðgarði. Í kjölfarið fór Alexandra til Japan þar sem hún tók þátt í Tókýó Global Summit of Women en þar fékk hún innblástur fyrir nýja óperu sem hún er að skrifa um fyrsta kvenforseta í heiminum.

Áskorandapistill Ágústs Valssonar

„Í sama tölublaði og ég lýsti því yfir að ég væri lélegur kokkur fengum við áskorun frá vinafólki okkar Þóreyju Eddu og Gumma að vera næstu matgæðingar í Feyki. Þessar uppskriftir eru tileinkaðar þeim sem eru í sama formi og ég í eldhúsinu þar sem lykilorðið er „einfalt“,“ segir Rakel Runólfsdóttir en hún og Jóhannes Kári Bragason voru matgæðingar vikunnar í 19. tölublaði Feykis árið 2015.

Á fundi sveitarstjórnar Húnaþings vestra sem haldinn var í gær, 11. maí, var ársreikningur sveitarsjóðs Húnaþings vestra og undirfyrirtækja fyrir árið 2016 tekinn til síðari umræðu og hann samþykktur.

Fiskbúðin Fisk á disk var opnuð á Blönduósi s.l. þriðjudag. Verslunin er til húsa á Efstubraut 1, við hliðina á Líflandi, í húsi sem Pípulagnaverktakar áttu en á sínum tíma var Rækjuverksmiðjan Særún þar til húsa og seinna Laxasetrið.

Áskorandpistill Guðmundar Jónssonar á Hvammstanga

Skagfirska frumkvöðlafyrirtækið Pure Natura hefur verið valið til að taka þátt norrænni matarkeppni EMBLA-Nordic food award 2017 en verðlaun verða veitt í Kaupmannahöfn 24. Ágúst. Á sama tíma fer fram ein stærsta matarhátíð Norðurlandanna þar í borg, Copenhagen Cooking. Að verðlaununum standa öll bændasamtök á Norðurlöndunum í samvinnu við norrænu ráðherranefndina.

Blöndustöð Landsvirkjunar hefur hlotið Blue Planet verðlaunin, sem Alþjóða vatnsaflssamtökin (International Hydropower Association, IHA) veita verkefnum sem skara framúr í sjálfbærri nýtingu vatnsafls í heiminum. Verðlaunin voru veitt á þingi samtakanna, sem haldið var í Addis Ababa í Eþíópíu. Verðlaunin eru veitt á grundvelli hins alþjóðlega matslykils um sjálfbæra nýtingu vatnsafls (e. Hydropower Sustainability Assessment Protocol, HSAP), en úttekt á grundvelli hans var gerð á Blöndustöð árið 2013. Úttektin leiddi í ljós að rekstur Blöndustöðvar er framúrskarandi hvað varðar sjálfbæra nýtingu vatnsafls og að á mörgum sviðum þykja starfsvenjur í Blöndustöð þær bestu sem fyrirfinnast.

Í Árskóla á Sauðárkróki fór fram sl. mánudag hin árlega kokkakeppni þar sem nemendur 9. og 10. bekkja kepptust um að útbúa besta matinn bæði hvað bragð og útlit varðar. Einbeitningin leyndi sér ekki hjá kokkunum og greinilegt að mikill metnaður fyrir verkefninu var hjá krökkunum.