Fréttir

Heilbrigðisstofnun Norðurlands varð til við samruna sex heilbrigðisstofnana 1. október 2014 og er nú á sínu fyrsta starfsári. Rekstur stofnunarinnar hefur gengið vel fyrstu átta mánuði þessa árs og er stofnunin rekin með afgangi. Er það sérstaklega ánægjulegt í ljósi þess að samanlagður halli allra stofnanna sem sameinuðust í Heilbrigðisstofnun Norðurlands nam 79 milljónum á árinu 2014.

Á nýrri heimasíðu SSNV er vakin athygli á því að opið er fyrir umsóknir í AVS rannsóknasjóð, sem hefur að markmiði að styrkja verkefni, sem stuðla að auknu verðmæti íslensks sjávarfangs og styrkja samkeppnishæfni íslensks sjávarútvegs og fiskeldis.

Svei mér, ekki aftur. Ekki aftur Thorbjørn Egner, hvað sem leikritið nú heitir. Karíus, Dýrin, Kardimomman. Nei takk. Er ekki til neitt af nýjum, íslenskum leikritum handa börnum, spurði ég mig, er ekki til urmull af nútíma leikritum? Jú, Leikfélag Sauðárkróks hefur af og til sviðssett önnur barnaleikrit, jafnvel íslensk. En það virðist samt sem leikritin hans Egners liggi höndinni næst þegar skemmta á börnum á Íslandi. Heima í Þýskalandi er „Die Räuber von Kardemomme“ varla að finna á leikskrá leikhúsa.

Hið árlega Styrktarsjóðsball Húnvetninga verður haldið í Félagsheimilinu á Blönduósi laugardaginn 24. október. Hljómsveitin Von ásamt Ölmu Rut og Kristjáni Gísla munu halda uppi stuðinu fram á nótt.

Undanfarin ár hafa nemendur Grunnskólans austan Vatna á Hólum ásamt eldri deild leikskólans tekið slátur.Það sama var upp á teningnum í ár og var það gert 7. október sl. Allir nemendur tóku þátt og voru virkir í að hræra saman hráefnið og setja í keppina, eins og sagt er frá á heimasíðu skólans.

Á morgun hefjast þemadagar í Árskóla. Eru þemað að þessu sinn tileinkað starfi skólans, nýjungum í kennsluháttum, hefðum, viðburðadögum árshátíðum og fleiru. Þemadagarnir enda með opnu húsi á laugardaginn.

Það er svo margt sem mig langar til að skrifa um í fyrsta blogginu að það væri efni í heilt tímarit en ætli niðurstaðan verði ekki tengt haustinu fallega sem er að birtast okkur hægt og rólega þessa dagana. Þetta er uppáhalds tíminn minn á árinu því ég er vog sem þolir illa hita og raka og er örugglega ein af fáum sem vældi ekkert á facebook yfir sumrinu okkar og var bara mjög þakklát fyrir það sem við fengum.

Dregið var í 32 liða úrslitum Powerade-bikarkeppni KKÍ í gær og ljóst að í það minnsta fjögur úrvalsdeildarlið munu detta úr leik þar sem óvenjumikið verður um innbyrðisviðureignir toppliða í umferðinni. Stórleikur umferðarinnar verður þó væntanlega viðureign Njarðvíkinga og Tindastóls í Ljónagryfjunni suður með sjó.

Ef þú hefur áhuga á að fylgjast með tísku og lífsstílsbloggum þá er spurning hvort þú átt eftir að hafa áhuga á að fylgjast með mér. Ég var spurð að því hvort ég hefði áhuga á að skrifa eitthvað inn á Feykir.is og ég verð nú að viðurkenna að ég hugsaði strax nei - það get ég aldrei gert. En þar sem ég er ekki nei mannekja fór hausinn á fullt og jaaa kannski ég geti mögulega sett saman eitthvað skemmtilegt þrátt fyrir að vera staðsett á Sauðárkróki þar sem úrvalið og fjölbreytnin er ekki mikil. En hver veit kannski gæti þetta orðið áhugaverð lesning fyrir einhverja en best væri nú að byrja á að kynna sig og hvað ég hef verið að gera undanfarin ár þessu tengt.

Fyrir þó nokkrum árum var tekin sú ákvörðun meðal einhverra að fyrirtæki/stofnanir í bænum skipuleggðu árshátíðir sínar í kringum styrktarsjóðsballið til að hjálpa og styrkja styrktarsjóðinn. Yfirleitt var matur í félagsheimilinu og fólk fór svo beint á ball, þannig miði á ball var innifalin í árshátíðarverðinu og því voru einstaklingar að styrkja gott málefni á sama tíma og þeir gerðu sér glaðan dag. Í dag er þetta að breytast og æ fleiri fyrirtæki/stofnanir eru að draga sig frá þessu fyrirkomulagi sem veldur því að færri en ella fara á ball.