Fréttir

Eins og Feykir hefur greint frá var að vanda líf og fjör í Skagfirðingabúð á Skagfirskum bændadögum. Voru þeir nú haldnir í sextán sinn og hefur umfangið aukist ár frá ári. Sjónvarpsstöðin N4 var á staðnum og ræddi við Árna Kristinsson verslunarstjóra og kokkinn Árna Þór Arnórsson.

Húnavatnshreppur hefur í fréttabréfi óskað eftir upplýsingum frá íbúum um umfang skógarkerfils í landi þeirra þar sem til stefndur að eyða honum með skipulögðum hætti næsta ár. Verður það gert með slætti að lámarki þrisvar á hverju sumri.

Á fimmtudaginn fara í loftið nýir netþættir á FeykirTV sem bera yfirskriftina Fyrirmyndarfrumkvöðlar. Eru þeir framleiddir af Feyki og Skottu kvikmyndafjelagi, sem njóta styrkjar frá Uppbyggingasjóði Norðurlands vestra til þáttagerðarinnar.

Leikfélag Sauðárkróks frumsýnir á laugardaginn barnaleikritið Kardimommubæinn eftir Thorbjörn Egner í þýðingu Huldu Valtýsdóttur. Þýðandi söngljóða er Kristján frá Djúpalæk og leikstjóri er Sigurlaug Vordís Eysteinsdóttir.

Foreldrar barna á biðlista á leikskólanum Birkilundi boðuðu til opins fundar í Menningarhúsinu Miðgarði á mánudagskvöld. Margir komu á fundinn og sköpuðust góðar umræður um húsnæðisvanda leik- og grunnskólans í Varmahlíð. Leikskólastjóri Birkilundar sendi frá sér neyðarkall, sem birt var í Feyki, í síðustu viku og sagði starfsemina komna yfir þolmörk.

Á föstudaginn kemur, 16. október kl. 20:00 verður haldin dagskrá í sal Versins þar sem akureyskir kvæðamenn kveða, undir rímnalögum, vísur og ljóð eftir íslenskar konur. Dagskráin er vegum vegum hins nýstofnaða kvæðamannafélags Gnár í Skagafirði. Aðgangseyrir er 1500 krónur og ekki er hægt að greiða með korti. Vakin er athygli á því í augýsingu að gengið er inn að vestan í salinn.

Það var fagurt um að litast í Fljótum í gær morgun og haustlitirnir skörtuðu sínu fegursta þegar blaðamaður Feykis átti leið þar um í gær. Kyrrðin í náttúrunni er einstök á svona dögum, eins og myndirnar bera með sér.

Hin árlega Sviðamessa Húsfreyjanna á Vatnsnesi var haldin í Hamarsbúð á Vatnsnesi um síðustu helgi. „Þetta var bara frábært,“ sagði Bára Garðarsdóttir, ein af húsfreyjunum, þegar Feykir hafði samband við hana og grennslaðist fyrir um hvernig til hefði tekist.

Næst komandi laugardag fer fram fimmta og síðasta umferð ársins í Íslandsmótinu í rallý. Eknar verða fjórar sérleiðir í nágrenni Langjökuls, það er á Skjaldbreiðarvegi og Kaldadal, og má búast við hörku keppni þar sem staða í Íslandsmótinu er mjög jöfn í öllum flokkum.

Strætó festist í vegakanti á Þverárfjallsvegi í gærkvöldi. Að sögn vegfaranda var umferð var hleypt framhjá og urðu því engar tafir vegna óhappsins. Samkvæmt upplýsingum frá lögreglunni á Norðurlandi vestra hafði bílstjóri hópbifreiðarinnar gleymt að skila af sér farþega og ætlaði að snúa við er hann festist í vegakantinum.