Rabb-a-babb

Nafn: Halldór Gunnar Ólafsson. Árgangur: 1972. Hverra manna ertu og hvar upp alinn: Sonur Óla Benna og Gunnu Páls en þau ólu mig upp á Skagaströnd. Hver er uppáhalds bókin þín og/eða rithöfundur? Sjálfstætt fólk. Hún hafði sterk áhrif á mig þegar ég las hana fyrst.

Nafn: Kristín Þöll Þórsdóttir. Árgangur: 1972. Starf / nám: Klæðskeri.Vinn sem verslunarstjóri í Vogue Akureyri og tek að mér sérsaum. Hættulegasta helgarnammið? Malaco hlaup – ég Tryllist! Uppáhalds málsháttur eða tilvitnun? Allt er hey í harðindum, nema heybabilula she´s my baby.


Nafn: Lee Ann Maginnis. Árgangur:1985. Hverra manna ertu og hvar upp alin: Ég er dóttir Alla og Jóhönnu og er alin upp á Blönduósi frá sjö ára aldri. Hvaða íþróttamanni hefurðu mestar mætur á? Íslenska kvennalandsliðinu í knattspyrnu í heild sinni. Fylgdist með þeim í Hollandi og þrátt fyrir slæmt gengi brostu þær framan í alla stuðningsmennina og sinntu okkur eftir leik með eiginhandaáritunum, myndatökum og spjalli.

Nafn: Óli Björn Kárason. Árgangur: 1960. Starf / nám: Alþingismaður – hagfræðingur að mennt. Besta bíómyndin? Citizen Kane. Orson Wells var snillingur og leikstýrði og lék aðalhlutverkið. Myndin er meistaraverk en höfðar auðvitað sérstaklega til mín þar sem fjallað er um fjölmiðla, stjórnmál, völd og spillingu.

Nafn: Elísabet Helgadóttir. Árgangur: 1976. Fjölskylduhagir: Gift Stebba Lísu og á með honum þrjár stelpur. Hvað fer mest í taugarnar á þér í fari þínu? Hvað drasl fer mikið í taugarnar á mér og hvað skítaþröskuldurinn minn er lágur. Alveg glatað að eyða svona miklum tíma í að taka til og þurrka af eldhúsborðinu.

Nafn: Halldór Gunnar Hálfdansson. Árgangur: 1974. Hvað er í deiglunni: Að halda haus. Hvað gerir þú betur en allir aðrir á þínu heimili? Ég er húsbóndi á mínu heimili og ræð hvenær ég skúra. Uppáhalds málsháttur eða tilvitnun? „Sjitt maður, sólin er farin“ – þetta sagði frændi minn þegar hann sofnaði í berjamó í Stíflurétt og vaknaði þegar farið var að dimma.

Nafn: Ólafur Atli Sindrason. Árgangur: 1977. Hvað er í deiglunni: Svona fyrir utan að grípa í kennslu eru það hauststörfin á búgarðinum sem nú hellast yfir. Hvað ætlaðir þú að verða þegar þú yrðir stór? Ég ætlaði alltaf að verða bóndi - en líka leikari (hvernig sem það átti nú að passa saman). Hvaða lag er líklegast að þú takir í Kareókí? Nú er ég léttur með Geira.

Nafn: Ástrós Elísdóttir. Árgangur: 1982. Hvað er í deiglunni: Ég er að kaupa mér hús. Hvernig er eggið best? Þegar það kennir hænunni. Hver er uppáhalds bókin þín og/eða rithöfundur? Sigurður Pálsson heitinn. Ljóðin hans snerta við mér og svo er hann albesti kennari sem ég hef haft.

Nafn: Þorleifur Ingvarsson. Árgangur: 1958. Hvað er í deiglunni: Fór í bókaranám á gamals aldri og stefni að því að verða viðurkenndur bókari fyrir sextíu ára afmælið. Hvað var uppáhalds leikfangið þitt þegar þú varst krakki? Við systkinin lékum okkur mikið með skeljar og höfðum þær fyrir kindur. Hvað gerir þú betur en allir aðrir á þínu heimili? Rollusálfræði er mín sérgrein.


Nafn: Björn Ingi Óskarsson. Árgangur: 82. Hvað er í deiglunni: Enski er byrjaður og það er okkar ár. Síðan bara að vinna úr hugmyndunum sem ég og Viktoría erum búin að fá í sænska fæðingarorlofinu okkar. Hvað varstu að hlusta á þegar þú fékkst bílprófið? Án þín með Sverri og Binna. Hvaða íþróttamanni hefurðu mestar mætur á? Eru íþróttamenn ekki pínu ofmetið fyrirbæri. Yfirleitt einstaklingar sem þiggja laun sem eru í engum tengslum við raunveruleikann eða framlag þeirra til samfélagsins, hlaupandi eftir bolta í algjöru tilgangsleysi?. Djók, sá sem var bestur í síðasta Liverpool sigri er yfirleitt í mesta uppáhaldi þangað til næsti sigur kemur. Já og Guðbrandur Guðbrandsson.