Rabb-a-babb

Nafn: Kristín Guðmundsdóttir. Garðyrkjubóndi og garn-litari. Lærður vefhönnuður samt. Hverju missirðu helst ekki af í sjónvarpinu? Ahh.. horfi ekki á sjónvarp, er frekar í einhverju þáttaglápi. Friends anyone? Hvað gerir þú betur en allir aðrir á þínu heimili? Virðist vera með ósýnilegan en mjög powerful radar á hvar allt er að finna. Fólk flykkist að mér eins og mý að mykjuskán til að fá að njóta þessarar snilligáfu.

Nafn: Valli. Hvað er í deiglunni: Njóta þess að vera orðinn löggiltur gamall, vinna meðan ég nenni og hugsa um kirkjugarðinn og kótilettur í frítímum. Hvað er eftirminnilegast frá fermingardeginum? Fór úr fermingafötunum um leið og ég kom heim til að hjálpa kind sem var að bera niður á bjargi. Hvar og hvenær sástu núverandi maka þinn fyrst? Á biðstofu á Sjúkrahúsinu á Blönduósi, hún fótbrotin og ég tábrotinn.

Nafn: Ágúst Kárason. Hvað er í deiglunni: Stend á þessum blessuðu tímamótum. Ferðaþjónustan hrunin vegna Corona-vírus svo nú liggja leiðir til allra átta og eitthvað verulega spennandi mun gerast. Hvað er eftirminnilegast frá fermingardeginum? Stóra gjöfin, hestur með öllum reiðtygjum. Hvar og hvenær sástu núverandi maka þinn fyrst? 1986. Önnur hæðin í Þýskalandi [við Kirkjutorgið á Króknum]. Þar leigði hún og sonur henna herbergi og ég var á þriðju hæðinni. Þarna hittumst við í fyrsta sinn, ég að koma af sjónum (trillukall), haugdrullugur og illa lyktandi. Hvað hún sá við þennan 202 sm slána er mér enn hulinn ráðgáta. Síðan eru liðinn 34 ár.

Nafn: Kristján Bjarni Halldórsson. Hverra manna ertu og hvar upp alinn: Ég er að vestan, frá Suðureyri, en bjó á Suðurlandinu frá sjö ára aldri. Hvað varstu að hlusta á þegar þú fékkst bílprófið? Úff, ég hlustaði svakalega mikið á tónlist. Pink Floyd var snemma í miklu uppáhaldi. Hvernig slakarðu á? Golfið er ansi góð æfing í hugleiðslu og núvitund. Ég slaka vel á með því að spila golf.

Nafn: Sigurlaug Dóra Ingimundardóttir. Hvað ætlaðir þú að verða þegar þú yrðir stór? Fyrst ætlaði ég að vera búðakona og vinna í Díubúð (KS Varmahlíð). Svo ætlaði ég að vera flugfreyja og svo var ég búin að búa til starfslýsingu sem var blanda af sálfræðingi og lögfræðingi, eina sem ég var alveg ákveðin að verða ekki er reyndar það sem ég starfa við í dag. Hvað gerir þú betur en allir aðrir á þínu heimili? Spasla stofuvegginn. Já svo er ég svolítið flink að leggja hluti frá mér svona hér og þar, sem er stundum bras þegar ég þarf svo að finna þá aftur.

Nafn: Ingileif Oddsdóttir. Starf: Skólameistari Fjölbrautaskóla Norðurlands vestra. Hvernig nemandi varstu? Ég var sennilega fyrst og fremst samviskusamur nemandi. Alltaf með góða mætingu og gekk þar af leiðandi vel í skóla. Hvað er eftirminnilegast frá fermingardeginum? Öll skartgripaskrínin sem ég fékk í fermingargjöf. Held að þau hafi verið 10.

Nafn: Alexandra Jóhannesdóttir. Starf / nám: Sveitarstjóri á Skagaströnd / Lögfræðingur. Hvað varstu að hlusta á þegar þú fékkst bílprófið? Mjög líklega Gullbylgjuna. Hvað fer mest í taugarnar á þér í fari þínu? Ég er mjög óþolinmóð og óhandlagin sem fer illa saman. Enda get ég aldrei hengt neitt upp eða lagað á heimilinu nema eyðileggja eitthvað í leiðinni.

Nafn: Sigríður Sigurbjörg Garðarsdóttir. Hverra manna ertu og hvar upp alin/n: Foreldrar mínir voru hjónin Svanhildur Steinsdóttir bóndi og skólastjóri og Garðar Björnsson bóndi og rollusál Neðra-Ási og hjá þeim er ég alin upp, í dalnum sem Guð elskar. Hvar og hvenær sástu núverandi maka þinn fyrst? Hann var að spila á balli á Hlíðarhúsinu, sennilega 1967 eða 8. Uppáhalds málsháttur eða tilvitnun? Sjaldan flýtir asinn.

Nafn: Þuríður Harpa Sigurðardóttir. Búseta: Í Mekka sjálfstæðismanna. Besti ilmurinn? Ilmur af birki og blóðbergi eftir duglegan rigningarskúr á sólríkum sumardegi. Hvaða íþróttamanni hefurðu mestar mætur á? Ég fylgist nú ekkert sérstaklega með íþróttum en Arna Sigríður Albertsdóttir, sem stefnir á að keppa á handhjóli á Ólympíuleikum fatlaðra í Tókýó 2020 finnst mér afbragðis íþróttamaður.

Nafn: Gunnar Magnús Sandholt. Fjölskylduhagir: Einbúi, sjö barna faðir með hjálp annarra og rúmlega 10 barnabörn. Hvert var uppáhalds leikfangið þitt þegar þú varst krakki? Leggur, kjálki og skel í sveitinni að Skriðlesenni í Bitru á Ströndum. Besti ilmurinn? Af mömmu, svo konum mínum og á síðari árum af barnabörnunum ungum. Svo er ég hrifinn af 4711 – Echt Kölnische Waßßer – ekta Kölnarvatni sem við reynum að eiga í morgunsundinu.