Fréttir

Körfuknattleiksdeild Tindastóls hefur samið við argentínsku landsliðskonurnar Florenciu Chagas og Macarenu Durso fyrir komandi tímabil. Í tilkynningu á Facebook-síðu kkd. Tindastóls segir að Florencia sé ungur og öflugur bakvörður með mikla alþjóðlega reynslu, en Macarena er reynslumikill leikstjórnandi sem kemur síðast frá Spáni þar sem hún lék á háu stigi. Báðar eru þær með Evrópsk vegabréf.

„Greifarnir eru á ferðalagi um landið með 40 ára afmælistúrinn, Síðasta sveitaballið. Við erum að heimsækja gömul samkomuhús og rifja upp sveitaballastemninguna sem margir sakna. Svo er nýja lagið okkar, Endalaust sumar, nýkomið út,“ segir Viddi í Greifunum sem jafnan hafa verið kenndir við Húsavík. Viddi heitir fullu nafni Kristján Viðar Haraldsson, fæddur 1965 og búsettur í Reykjavík.

Elín Dögg Väljaots Gunnarsdóttir hefur verið ráðin í stöðu fjármálastjóra Skagafjarðar. Elín Dögg er með BS- og MS-gráðu í viðskiptafræði frá Háskólanum á Akureyri með áherslu á stjórnun og alþjóðlegt rekstrarumhverfi. Í frétt á heimasíðu Skagafjarðar segir að hún hafi víðtæka reynslu á sviði rekstrar, fjármála og stjórnunar og hefur meðal annars gegnt stöðu rekstrar- og fjármálastjóra hjá Dekkjahöllinni, auk þess sem hún var einn eigenda fyrirtækisins.

Bæjarhátíðin Hofsós heim hófst í gær, fimmtudaginn 18. júní, með grillveislu í Höfðaborg. Dagskráin í dag, föstudaginn 19. júní, hefst kl. 16:00 á gönguferð. Seinna í kvöld stígur Eyþór Ingi á svið í Höfðaborg og þar má búast við mikilli stemningu.

Fyrr í dag kom fram á Facebook síðu Badmintondeildar Tindastóls að Emma Katrín Helgadottir, badmintonkona frá Badmintondeild Tindastóls, hefur verið valin í U19 ára landslið Íslands í badminton.

Þjóðhátíðardagur Íslendinga var haldinn hátíðlegur á miðvikudaginn, 17. júní og haldið var upp á daginn um landið. Margt var um að vera á Norðurlandi vestra en á Blönduósi, Hvammstanga og á Sauðárkróki var haldið upp á daginn með skemmtilegum dagskrám.

Í gær opnaði Miðgarður Café í Menningarhúsinu Miðgarði í Varmahlíð fyrir gestum en það eru Sigga Jóna og Snorri, húsráðendur í Miðgarði, sem reka kaffihúsið. „Opnunardagurinn gekk virkilega vel, það var rennerí allan daginn og um 100 manns litu við hjá okkur, allir virkilega ánægðir með þetta framtak,“ sagði Sigga Jóna þegar Feykir spurði hvernig gekk.

Lóu-nýsköpunarstyrkjum fyrir árið 2026 var úthlutað nú í byrjun vikunnar en úthlutað er til fjölbreyttra verkefna sem eiga það sameiginlegt að efla nýsköpun, verðmætasköpun og samfélagslega þróun á landsbyggðinni. Alls hlýtur 21 verkefni styrk í ár og nemur heildarstyrkupphæðin 100 milljónum króna og þar á meðal voru þrjú verkefni á Norðurlandi vestra.

Það er opinn dagur og uppskeruhátíð hjá Fornverkaskólanum og fer dagskráin fram á Tyrfingsstöðum á Kjálka í Skagafirði á morgun, 19. júní, og hefst um kl. 14. Í tilkynningu segir: „Í ár höfum við ýmsar ástæður til að fagna; Fornverkaskólanum hlotnaðist nýverið viðurkenning frá Europa Nostra, sem eru ein virtustu minjaverndarverðlaun í Evrópu. Verðlaunahátíðin fer fram 28. maí í Nikosíu á Kýpur og á opnum degi ætlum við að fagna áfanganum með vinum og vandamönnum og afhjúpa viðurkenningarskjöld sem Europa Nostra samtökin veittu Fornverkaskólanum.“

Þeir sem bíða spenntir eftir rennibrautum í sundlaugina á Sauðárkróki verða að bíða eitthvað fram yfir verslunarmannahelgina. Vonir stóðu til, og allt virtist stefna í, að rennibrautirnar yrðu komnar upp fyrir Unglingalandsmótið á Króknum. Feykir sendi Hjörvari Halldórssyni, sviðsstjóra veitu- og framkvæmdasviðs sveitarfélagsins Skagafjarðar, fyrirspurn um málið.