Skagafjörður

Á fundi byggðaráðs Skagafjarðar í síðustu viku var lögð fram og samþykkt tillaga þess efnis að hleypt skuli af stað atvinnuþróunarátaki á Hofsósi til að fjölga þar atvinnutækifærum og efla byggð. Í tillögunni er einnig lagt til að sveitarfélagið beiti sér fyrir að sérstökum byggðakvóta verði úthlutað til Hofsóss til að leitast við að tryggja áframhaldandi smábátaútgerð á staðnum.

Nk. fimmtudag, 8. mars, stendur Sveitarfélagið Skagafjörður fyrir námskeiði um þátttöku í sveitarstjórn undir yfirskriftinni, Ertu að grínast í mér? Nei, okkur er full alvara! Við viljum að þú takir þátt! Námskeiðið er ætlað öllum sem áhuga hafa á að hafa áhrif á sitt nánasta umhverfi, hvort sem þeir hafa þegar hlotið einhverja reynslu af störfum sveitarfélaga eða ekki.

Bjartur hefur, í samvinnu við Opnu, gefið út Norðlingabók eftir skagfirska stórskáldið Hannes Pétursson en þar er að finna alla sagnaþætti skáldsins í tveimur bindum. Hannes er löngu landskunnur sem eitt helsta ljóðskáld þjóðarinnar og hefur stundum verið kallaður síðasta þjóðskáldið.

Fyrsta mót Meistaradeildar KS var haldið á Sauðárkróki í gærkvöldi þar sem keppt var í gæðingafimi. Í forkeppni sáust margar ágætar sýningar og nokkuð fjölbreyttar útfærslur. Þær bestu voru mjög góðar og skemmtilegar áhorfs, segir í tilkynningu frá Meistaradeildinni. „Það er ljóst að ef knapar koma vel undirbúnir til leiks þá er þessi keppnisgrein mjög svo áhorfendavæn. Þar þarf allt að spila saman, góð útfærsla æfinga, góður hestur og síðast en ekki síst góð tónlist sem hæfir.“

Þeir eru ófáir sem hafa rennt sér í gegnum bækur skagfirska rithöfundarins Guðrúnar frá Lundi og sumir jafnvel með flest á hreinu varðandi sögurnar. Nú gefst þeim hinum sömu tækifæri til að láta ljós sitt skína því í dag fer fram spurningakeppni þar sem spurt verður úr verkum Guðrúnar í Borgarbókasafninu / Menningarhúsi Grófinni í Reykjavík fyrir sunnan í dag.

Það hefur lengi verið í umræðunni að gera Alexandersflugvöll að varaflugvelli fyrir Keflavíkur-, Reykjavíkur-, Akureyrar- og Egilsstaðaflugvelli og hefur tillaga til þingsályktunar verið lögð oftar en einu sinni fyrir á Alþingi. María Björk Ingvadóttir sjónvarpskona á N4 fékk Ástu Pálmadóttur, sveitarstjóra úr Skagafirði og Sigfús Inga Sigfússon til sín í settið til að ræða þann möguleika að gera völlinn að besta varaflugvelli landsins.

Meistaramót Íslands í frjálsíþróttum innanhúss fór fram um síðustu helgi í Frjálsíþróttahöllinni í Laugardal í Reykjavík. Á mótinu keppti fremsta frjálsíþróttafólk landsins og var hörkukeppni í flestum greinum. Á heimasíðu Tindastóls segir að sex Skagfirðingar hafi verið á meðal keppenda þau Hrafnhildur Gunnarsdóttir, Ísak Óli Traustason, Jóhann Björn Sigurbjörnsson, Sveinbjörn Óli Svavarsson, Vignir Gunnarsson og Þóranna Ósk Sigurjónsdóttir.

Knattspyrnukappinn og landsliðsmaðurinn skagfirski, Rúnar Már Sigurjónsson, skoraði glæsilegt mark beint úr aukaspyrnu nú um helgina í 3-0 sigri St. Gallen í svissnesku deildarkeppninni. Rúnar, sem er félagsbundinn Grasshoppers í Sviss, hafði vistaskipti nú í janúarglugganum og spilar með liði St. Gallen sem er að berjast um sæti í Evrópudeildinni á næstu leiktíð.

Í yfirlýsingu sem birt var fyrr í kvöld á Facebooksíðu knattspyrnudeildar Tindastóls kemur fram að Bergmann Guðmundsson, formaður deildarinnar og Guðjón Örn Jóhannsson, varaformaður, hafi sagt sig frá störfum fyrir félagið. Gera þeir það til að axla ábyrgð á mistökum sem þeir hafa gert sem stjórnarmenn í málum tveggja manna sem sakaðir hafa verið um kynferðisbrot en notið stuðnings deildarinnar. Segja þeir vonast til þess að með yfirlýsingunni skapist friður um störf knattspyrnudeildar Tindastóls og félagsins alls.

Stjórn Meistaradeildar Norðurlands í hestaíþróttum hefur sett fyrsta mót á nk. miðvikudag en því hafði verið frestað vegna veðurs. fyrir fyrsta mót meistaradeildar KS sem haldið verður á miðvikudaginn. Húsið opnar kl 18:00 en setning deildarinnar hefst kl 18:30. Seldar verða veitingar í reiðhöllinni fyrir mót.