Skagafjörður

Í tilefni af sex ára afmæli veitingastaðarins Hard Wok Cafe á Sauðárkróki, ætla eigendur hans að að vera með styrktardag fyrir Lilju Gunnlaugsdóttur og Val Valsson miðvikudaginn 5. apríl næstkomandi. Eins og margir vita eignuðust þau stúlku í byrjun árs sem hafði átt erfiðar síðustu vikur í móðurkviði svo nauðsynlegt reyndist að fara með hana til Svíþjóðar þar sem gera þurfti "opna hjartaaðgerð" á henni. Búið er að nefna stúlkuna Völu Mist.

Í 13 tölublaði Feykis árið 2015 voru þau Jóhann Sigurjón Jakobsson og Bergþóra Sveinbjörnsdóttir á Blönduósi matgæðingar vikunnar. „Við erum ekki beint stórtæk í eldhúsinu en við grípum stundum í uppskriftir sem eru annaðhvort á netinu eða í bókinni „Læknirinn í eldhúsinu“ sem við fengum að sérstakri gjöf frá Sigurði Ólafssyni, húnvetnskum óðalsbónda í Kjós, hér eru tvær sem eru í sérstöku uppáhaldi hjá okkur,“ segja þau.

Feykir óskar öllum ánægjulegs aprílmánaðar með vorkomu og skemmtilegheitum í vændum. Brugðið var á leik og reynt að kæta fólk sem fór inn á Feyki.is og sagðar nokkrar fréttir sem stóðust ekki sannleiksprófið. Þær eru eftirfarandi:

Ljóð dagsins er eftir Andra Snæ Magnason og hljóðar svo:

Eigendur þeirra bíla sem eru staðsettir á bílastæði við Árskóla og íþróttahús á Sauðárkróki eru vinsamlega beðnir um að fjarlægja þá fyrir klukkan 16:00 í dag þar sem fara á í aðgerðir á stæðinu sem binda mun aurinn saman líkt og olíumöl.

Feykir hefur ákveðið að feta í fótspor fjölmiðla í Noregi og Svíþjóð, þar á meðal NRK, VG og Aftenposten, sem ætla að sleppa hefðbundnu aprílgabbi í dag. Á Rúv segir að umræðan um falsfréttir hafi haft áhrif á þessa ákvörðun; margir óttast að gabbfréttir muni breiðast út og verða deilt sem sannleika á samfélagsmiðlum. Feykir tekur heilshugar undir þetta og mun ekki birta ósannar fréttir í dag!

Á Facebooksíðu Byggðasafns Skagfirðinga segir að matarvagn í Glaumbæ sé sannarlega ekki efstur á óskalista starfsmanna safnsins. „Allt sem tefur fyrir umferð á alltof litlu bílastæði gerir erfitt ástand verra og með fullri virðingu fyrir matarvögnum að þá bæta þeir ekki minjagildi þjóðargersema á borð við gamla bæinn í Glaumbæ.“ Tilefni þessa skrifa er að skipulags- og byggingarnefnd Svf. Skagafjarðar samþykkti að veita tímabundið stöðuleyfi, frá 1. maí til 1. október 2017, fyrir söluvagni við hlið salernishúss sem er á staðnum.

Skipulags- og byggingarnefnd ákvað á fundi sínum þann 8. mars sl. vegna Aðalskipulags Skagafjarðar að skoðaðir yrðu 12 námukostir sem kæmu til greina að bæta við í aðalskipulag Sveitarfélagsins Skagafjarðar. Er það gert til að bregðast við efnisþörf sem kemur til m.a. vegna styrkingar raforkukerfisins í sveitarfélaginu sem og að huga þarf að nýjum námukostum þar sem verulega hefur saxast á efni á Gránumóum. Nú er það ljóst að vænlegasta tillagan og einnig sú hagkvæmasta er að efnistakan verði í Staðaröxl og síðar í Gilsbungu.

Í dag verða gangsett gangbrautarljós við Árskóla á Sauðárkróki. Gangandi vegfarendur ýta á hnapp til að óska eftir „grænum karli“ og virkja rautt ljós á ökutæki. Sérstakir skynjarar nema nærveru gangandi vegfarenda á leið yfir götu og er ljósatími stilltur eftir því hversu lengi viðkomandi er á leið yfir götuna.

Byggðarráð Sveitarfélagsins Skagafjarðar lýsir yfir þungum áhyggjum af stöðu meðferðarheimilisins Háholts í Skagafirði en uppi eru áform um að loka heimilinu frá og með næsta hausti. Fyrirhugað er að færa starfsemina á höfuðborgarsvæðið og áætlað að veita um 500 milljónum króna í nýbyggingu undir starfsemina.