Skagafjörður

Á lífsferli mínum hef ég kynnst mörgum sem hafa verið í meðferð hjá SÁÁ. Sumir þeirra hafa greint mér frá því hvernig fyrrverandi yfirlæknir samtakanna, Þórarinn Tyrfingsson, hefur talað niður til meðferðarþega sinna - þeirra og annarra - með hroka og gikkshætti sem varla getur talist sæmandi manni í þeirri stöðu sem hann gegndi.

Þar sem einungis 8 dagar eru til jóla og Pottaskefill kom í nótt ætlar Feykir að koma sér, og þér, í jólagírinn með jólalagi dagsins. Kósíheit Par Exelans söng Baggalútur við miklar vinsældi fyrir nokkrum árum og hafa þær lítið dvínað. Lagið er, eftir því sem næst verður komist, ættað frá Ástralíu, en kvæðið sömdu þeir Enter og Númi Fannsker í kjölfar velheppnaðs ritlistarnámskeiðs í Iðnskólanum í Hafnarfirði.

Framkvæmdastjórn Heilbrigðisstofnunar Norðurlands (HSN) lýsir yfir vonbrigðum með nýútgefið fjárlagafrumvarp. Í þeim auknu fjárframlögum sem ætluð eru til að styrkja rekstur heilbrigðisþjónustu í landinu er litið framhjá heilbrigðisstofnunni og í staðinn sett 20 milljóna króna hagræðingarkrafa á hana.

Veitinga- og gististaðurinn Microbar & Bed á Sauðárkróki hefur skipt um eigendur. Það eru þau Sigríður Magnúsdóttir og Árni Birgir Ragnarsson sem ætla að láta gamlan draum rætast og taka að öllum líkindum við rekstrinum í næstu viku. Þá verður nafni staðarins breytt í Grand-Inn Bar and Bed.

Þar sem einungis 9 dagar eru til jóla og Þvörusleikir kom í nótt ætlar Feykir að koma sér, og þér, í jólagírinn með jólalagi dagsins. Dengsi og Hemmi Gunn sungu um það hvernig jólin voru í gamla daga en var þetta alveg satt? Það er alveg dagsatt; heitir lagið og er bara ágætis innlegg í jólaumræðuna.

Skagfirski kammerkórinn verður á jólaróli nú um helgina og heldur árlega jólatónleika sína á þremur stöðum í Skagafirði á föstudag og laugardag. Í Hóladómkirkju á föstudag klukkan 20:00, í Sauðárkrókskirkju á laugardag klukkan 16:00 og í Miklabæjarkirkju á laugardag klukkan 20:00. Aðgangur á tónleikana er ókeypis.

Tindastóll sótti lið Stjörnunnar heim í Garðabæ í kvöld í síðasta leik ársins í Dominos-deildinni í körfubolta. Reiknað var með hörðum slag og það vantaði ekkert upp á það. Stjörnumenn höfðu yfirhöndina framan af og leiddu með 14 stigum í hléi en Stólarnir komu dýrvitlausir til leiks í síðari hálfleik og voru snöggir að jafna metin og voru síðan sterkari aðilinn þar til yfir lauk. Lokatölur 80-86 í Ásgarði þar sem Pétur Birgis var bestur.

Á morgun, 15. desember milli kl. 17 og 21, ætla krakkarnir í yngri flokkum körfuboltadeildar Tindastóls að ganga í hús á Sauðárkróki og safna dósum og flöskum í ferðasjóð yngri flokkanna. Misritað var í Jóladagskrá í Skagafirði sem birtist m.a. í Sjónhorni að söfnunin færi fram þann 16. des.

Það er met í sölu á steypu hjá Steypustöð Skagafjarðar, sem sýnir glögglega að hjól atvinnulífsins snúast á svæðinu. Í 6. þætti Atvinnupúlsins, sem sýndur var á N4 í gær, er rætt við framkvæmdastjóra Samtaka sveitarfélaga á Norðurlandi vestra og farið í heimsókn til Steypustöðvar Skagafjarðar, Stefnu, Gestastofu sútarans, rækjuverksmiðju Dögunar og Kjarnans, sem hýsir ýmis þjónustufyrirtæki Kaupfélags Skagfirðinga.

24. jólamót Molduxa verður haldið samkvæmt venju í Síkinu á Sauðárkróki annan dag jóla en þá mæta ungir sem gamlir Króksarar og leika körfubolta af miklum móð. Mótssetning hefst stundvíslega klukkan 10:55 með veitingu Samfélagsviðurkenningar Molduxa en strax á eftir eru fyrstir leikir flautaðir á. Keppt verður í einum flokki, og raðast lið saman eftir styrkleika strax að lokinni fyrstu umferð.