Skagafjörður

Opið bréf til íbúa sveitarfélagsins Skagafjarðar, foreldra og starfsfólks leikskólans, grunnskólans og tónlistarskólans í Varmahlíð

Aðsókn á Kardemommbæinn í uppsetningu Leikfélags Sauðárkróks hefur verið frábær og hefur því verið ákveðið að bæta við fjórum sýningum, laugardaginn 31. október, kl. 14 og 17 og sunnudaginn 1. nóvember, kl. 14 og 17.

Dagana 21. – 23. október voru þemadagar í Árskóla á Sauðárkróki. Þemað að þessu sinni tileinkað starfi skólans, nýjungum í kennsluháttum, hefðum, viðburðadögum, árshátíðum o.fl. Þemadögum lauk svo með sýningu og opnu húsi í skólanum sl. laugardag.

Lið Tindastóls varð undir í viðureigninni gegn Þór Þorlákshöfn sl. föstudagskvöld þegar Stólarnir sóttu Þórsara heim í Iceland Glacial höllinni. Úrslit urðu 92 – 66. Samkvæmt frétt á Karfan.is var mæting stuðningsmanna liðanna til fyrirmyndar og fjölmennt í höllinni.

Íbúar Flúðabakka 1 og 3 á Blönduósi hafa sent sveitarstjórn Blönduósbæjar bréf þar sem skorað er á sveitarstjórn að hefja sem fyrst framkvæmdir við fráveitumál vestan Blöndu. Í bréfinu lýsa íbúarnir yfir áhyggjum sínum af frárennslismálum frá þessum húsum.

Við Suðurgötu á Sauðárkróki stendur Ártún, 125 ára gamalt hús. Það hefur þó ekki alla tíð staðið á sama stað heldur var það flutt á stokkum utan af Aðalgötu árið 1919, þangað sem það stendur nú. Húsið hefur lengst af verið í eigu sömu fjölskyldunnar, nú síðast Björns Ásgrímssonar. Þegar hann lést, 94 ára að aldri þann 29. júlí sl., eignaðist bróðursonur hans Gísli Einarsson húsið.

„Búsetubreytingar og breytt aldursskipting íbúanna hafa áhrif á afkomu sveitarfélaga. Sveitarstjórnir ættu að gefa þessari þróun gaum,“ sagði Gunnlaugur Júlíusson, í erindi sínu á fjármálaráðstefnu sveitarfélaga í síðasta mánuði. Í máli hans kom m.a. fram að Vestfirðir og Norðurland vestra eru einu landshlutarnir þar sem íbúum hefur fækkað síðan árið 1998.

Ársfundur Samtaka sveitarfélaga á Norðurlandi vestra, SSNV, var haldinn í félagsheimilinu á Blönduósi á föstudaginn í síðustu viku. Þingið sátu kjörnir fulltrúar sveitarfélaganna sjö á svæðinu, ásamt starfsmönnum SSNV, þingmönnum og fleiri gestum, alls um 40 manns. Blaðamaður Feykis var á staðnum og fylgdist með þingstörfum.

Í Útsvarsþætti á RÚV í gærkvöldi áttust við lið Skagafjarðar og Ísafjarðarbæjar. Skagafjörður hélt forystu allan tímann og sigraði að lokum með 84 stigum gegn 47 stigum Ísafjarðarbæjar. Liðið er skipað þeim Berglindi Þorsteinsdóttur, Guðrúnu Rögnvaldardóttur og Indriða Þór Einarssyni.

Síðustu ár hefur álag á sjúkraliða aukist mjög og valdið m.a stoðkerfisvandamálum og auknum veikindum. Vaktir eru undirmannaðar, öll rúm full og því alls ekki samræmi á milli mönnunar og hjúkrunarþyngdar. Það þykir því miður sjálfsagt að sjúkraliðar hlaupi hraðar, en er það sjálfsagt?