Fréttir

Á fyrsta fundi farsældarráðs Norðurlands vestra, sem haldinn var í gær, 26. febrúar 2026, á Harbour á Skagaströnd, komu saman fulltrúar allra sveitarfélaga, þjónustuveitendur og stofnanir sem sitja í ráðinu sem og fulltrúi foreldra. Í frétt á vef SSNV segir að fundurinn hafi verið stuttur en hann marki áframhaldandi skref í átt að aukinni farsæld barna í landshlutunum.

Í fréttum í gær var sagt frá því að körfuboltakapparnir Jaka Brodnik og Davis Geks, sem báðir eru með flunkuný íslensk vegabréf eftir að hafa sótt um íslenskan ríkisborgararétt. fá ekki leyfi frá FIBA (Alþjóða körfuknattleikssambandinu) til að spila fyrir landslið Íslands á þeim forsendum að þeir hafi spilað of marga U20 landsleiki fyrir annað land. Það er kannski ekki sama hvort þú ert Jón eða séra Jón?

Það eru alltaf tíðindi þegar Ásgeir Trausti frá Laugarbakka sendir frá sér nýja breiðskífu en það var einmitt það sem hann gerði nú seinni partinn í febrúar. Skífan ber nafnið Julia og er hans fimmta hljóðversskífa og líkt og áður þá tekst honum ljómandi upp við búa til lög sem hægt og rólega lauma sér í vitund hlustandans.

Vakin er athygli á því að hægt er að sækja um styrki fyrir viðburði á Sæluviku, sem fer fram dagana 12. – 19. apríl nk.

Bónus deild kvenna hefur nú verið skipt upp í efri og neðri hluta og hófst keppni í vikunni. Lið Tindastóls sat hjá í fyrstu umferð en Stólastúlkur heimsækja Garðabæinn á laugardaginn þar sem leikur gegn Stjörnunni bíður þeirra. Feykir heyrði hljóðið í Israel Martín í morgun og spurði hann meðal annars út í leynivopn.

Samgöngufélagið gefst ekki upp á styttingu þjóðvegar 1 um Norðurland vestra en byggðarráði Skagafjarðar barst tölvupóstur frá félaginu 12. janúar síðastliðinn þar sem farið var þess á leit við sveitarfélagið að gerð yrði grein fyrir afstöðu sveitarfélagsins til lagningu Vindheimaleiðar. Það var afstaða byggðarráðs að ekki séu fyrir hendi fullnægjandi forsendur, hvorki umferðaröryggislegar, fjárhagslegar, skipulagslegar né umhverfislegar, til að gera ráð fyrir Vindheimaleið og Húnavallaleið í skipulagi eða samgönguáætlun á þessu stigi.

Stinningskaldi er nú sitt hvoru megin við Skaga en hiti er um og yfir frostmarki. Allir vegir sem vanalega eru opnir yfir veturinn eru færir en víðast hvar er hálka, hálkublettir eða snjóþekja. Það hægir á vindi um hádegi en í kvöld og næstu nótt ganga skil yfir landið og þá bæði hvessir og snjóar á Norðurlandi vestra.

Á Skagaströnd hefur verið unnið markvisst að umbótum á innviðum og þjónustu undanfarin misseri, samhliða því að undirbúningur fyrir sumarið er kominn vel á veg. Fjölbreyttar framkvæmdir eru í gangi á sviði mannvirkja, skólamála, gatnakerfis og hafnaraðstöðu.

Hvatningarverðlaun CIE Tours til framúrskarandi fyrirtækja í ferðaþjónustu voru veitt við hátíðlega athöfn á veitingastaðnum MAR Seafood í Reykjavík í gær, 24. febrúar. Þetta er í annað sinn sem verðlaunin eru veitt hér á landi en þau eru einnig veitt árlega í Bretlandi og á Írlandi.  Meðal þeirra sem hlutu sérstaka viðurkenningu var Glaumbær Museum.

Samtök sveitarfélaga á Norðurlandi vestra kallar eftir tilnefningum til framúrskarandi verkefna á Norðurlandi vestra á árinu 2025. Þetta er í sjöunda sinn sem viðurkenningin verður veitt og gert er ráð fyrir að hún verði afhent í lok mars 2026. Viðurkenningarnar eru veittar í tveimur flokkum: Annars vegar verkefni á sviði atvinnuþróunar og nýsköpunar og hins vegar verkefni á sviði menningar.