Fréttir

Húnavatnshreppur hefur opnað nýja og endurbætta heimasíðu, www.hunavatnshreppur.is. Í samtali við Húna.is segir Einar K. Jónsson, sveitarstjóri Húnavatnshrepps, að markmiðið með nýjum vef sé að bæta aðgengi fyrir íbúa Húnavatnhrepps og aðra þá sem þurfa að leita eftir upplýsingum um starfsemi sveitarfélagins. Einnig sé verið að stuðla að auknum rafrænum samskiptum, t.d. varðandi umsóknir um styrki og fleira og vonast Einar til þess að íbúagátt muni líta dagslins ljós á vefnum á næstu misserum.

Níu nöfn bættust við hóp umsækjendua um stöðu sveitarstjóra á Skagaströnd sem auglýst var að nýju í ágúst. Umsóknarfrestur rann út þann 27. ágúst og hefur sveitarstjórn unnið að því undanfarið að ræða við valda einstaklinga úr hópnum.

Nú er undirbúningur fyrir komandi körfuboltavertíð kominn af stað en fyrsti æfingaleikur Tindastóls fyrir komandi keppnistímabil verður haldinn í Íþróttahúsinu á Hvammstanga í kvöld 7. september kl 19:00. Liðið mætir þar Skallagrími sem mun leika í Dominosdeild karla í vetur.

Kæru foreldrar barna í yngri flokkum Tindastóls. Að eiga barn í yngri flokkum er ábyrgðarhlutverk. Með því að skrá barn í yngri flokka skuldbindur maður sig til þess að taka þátt í barna- og unglingastarfi félagsins. Flestir líta á þá skuldbindingu sem gleðiefni enda fátt meira gefandi en að eyða tíma í börnin sín. Um leið vil ég auðvitað taka fram að ég geri mér grein fyrir að við höfum misjafnlega mikinn tíma og tækifæri til þess að eyða með börnum okkar.

Þriðjudaginn 4. september komu félagar í Veðurklúbbnum á Dalbæ saman til fundar í því skini að huga að veðurhorfum í septembermánuði. Fundurinn hófst kl. 13:10 og voru fundarmenn níu talsins. Farið var yfir sumarmánuðina og veðurfar þessa mánuði sem veðurklúbburinn var í frí frá spádómi og fundum – þó svo alltaf spái menn í veðrið.

Unnin hefur verið skipulagslýsing vegna deiliskipulags í Kálfshamarsvík en Sveitarfélagið Skagabyggð fékk á árinu styrk úr Framkvæmdasjóði ferðamannastaða vegna vinnu við deiliskipulag og hönnun til uppbyggingar göngustíga en staðurinn er vinsæll viðkomustaður ferðamanna sem um svæðið fara.

Formleg lyklaskipti fóru fram í Ráðhúsinu á Sauðárkróki sl. mánudag þegar Ásta Pálmadóttir, fráfarandi sveitarstjóri Sveitarfélagsins Skagafjarðar, afhenti nýjum sveitarstjóra, Sigfúsi Inga Sigfússyni lyklana.

Helgina 14. -16. september næstkomandi fer fram stóðsmölun á Laxárdal og réttir í Skrapatungurétt. Líkt og síðustu ár eru allir hjartanlega velkomnir en helgin er svo sannarlega stórhátíð heimamanna þar sem reiðmenn og aðrir gestir skemmta sér eins og þeim einum er lagið!

Aðeins hefur verið rætt og ritað um heppnisskot og/eða hæfileika séra Hjálmars Jónssonar á grænum golfgrundum landsins. Feykir sagði frá því fyrr í vikunni að sérann væri nú þrisvar sinnum búinn að fara holu í höggi, sem þykja nú vanalega töluverð tíðindi í golfheimum. Þó svo að það að fara holu í höggi sé kannski algengara en margan grunar þá eru örugglega einhverjir, jafnvel fjölmargir, kylfingar sem hafa beðið Guð að hjálpa sér við þessi afreksverk í gegnum tíðina en ekki verið bænheyrðir.

Handverksfyrirtækið Skrautmen hóf nú í sumar sölu á töskum til styrktar Krabbameinsfélagi Skagafjarðar og hafa viðtökurnar verið mjög góðar að sögn Lilju Gunnlaugsdóttur sem rekur fyrirtækið. Í septemberbyrjun var söfnunin komin í 83.000 kr. sem Lilja lagði inn á félagið og vonar hún að peningarnir muni nýtast vel. Töskurnar eru enn til sölu og verða áfram, á Eftirlæti í Aðalgötu 4 á Sauðárkróki og í netverslun Skrautmena á www.skrautmen.com