Fréttir

Á fundi sveitarstjórnar Húnaþings vestra þann 8. mars sl. var lögð fram og samþykkt bókun þess efnis að sá hluti Borðeyrar við Hrútafjörð sem stendur á svokölluðum Borðeyrartanga og gekk lengi undir viðurnefninu "Plássið" verði gerður að verndarsvæði í byggð samkvæmt lögum um verndarsvæði. Lög þessi skilgreina verndarsvæði í byggð sem afmarkaða „byggð með varðveislugildi sem nýtur verndar samkvæmt ákvörðun ráðherra á grundvelli laga þessara“.

Bjarni Jónsson, varaþingmaður Vinstri grænna í Norðvesturkjördæmi, sendi fyrirspurn á Lilju Alfreðsdóttur, mennta- og menningarmálaráðherra, um stöðu og sjálfstæði háskóla á landsbyggðinni. Vildi hann fá að vita hvort ráðherra hyggist beita sér fyrir því að eyða óvissu sem ríkt hefur undanfarin ár um stöðu og sjálfstæði Háskólans á Hólum, Landbúnaðarháskóla Íslands á Hvanneyri og Háskólans á Bifröst og styrkja og tryggja starfsemi þeirra þannig að þeir geti vaxið í heimabyggðum sínum. Einnig spurði Bjarni hvort ráðherra ætli sér að beita sér fyrir því að tryggja áframhaldandi sjálfstæði þessara háskólastofnana og uppbyggingu þeirra?

Í Latabæ leikur allt í lyndi, allir eru vinir, lifa heilbrigðu lífi og una glaðir við sitt. Solla stirða er orðin kattliðug. Halla hrekkjusvín er næstum alveg hætt að hrekkja. Siggi sæti borðar grænmeti í gríð og erg, bæjarstjórinn bíður eftir forsetaheimsókn og Stína símalína er stanslaust í símanum. Allt eins og það á að vera. En dag einn birtist furðufugl í bænum. Sjálfur Glanni glæpur er kominn til sögunnar.

Snæfríður Dögg Guðmundsdóttir, nemandi í 10. bekk Höfðaskóla á Skagaströnd, vann nýverið til verðlauna í smásagnasamkeppni Félags enskukennara á Íslandi (FEKÍ) fyrir sögu sína, Dreams, og tók hún við viðurkenningu úr hendi Elizu Reid, forsetafrúar, á Bessastöðum sl. fimmtudag.

Í lok apríl verður haldin á Blönduósi lista- og menningarráðstefnan Hérna!Núna! og er hún ætluð fyrir lista- og handverksmenn á Norðurlandi vestra. Hún verður haldin í Gömlu kirkjunni á Blönduósi, dagana 27. - 28. apríl. Markmið ráðstefnunnar er að aðilar úr lista- og menningarsamfélaginu hittist, kynnist og geti sagt frá og sýnt list sína og að vekja athygli á þeirri vinnu sem unnin er á svæðinu á sviði lista og menningar. Frá þessu er greint á vef Þekkingarsetursins á Blönduósi.

Ágætu Skagfirðingar! Markmið ungmennasambandins er að stuðla að auknu samstarfi aðildarfélaga, vinna að öðrum sameinginlegum hagsmunamálum þeirra og vera málsvari þeirra og tengiliður við UMFÍ og ÍSÍ. Sterk staða og traust til sambandsins skiptir því miklu fyrir allt íþróttalífið í firðinum. Ungmennasamband Skagafjarðar er elsta starfandi ungmennsamband landsins. Hlutverk þess hefur legið svolítið á milli hluta undanfarin ár en síðastlið ár leyfi ég mér að fullyrða að spítt hefur verið allveruleg í.

Í kjölfar frétta Feykis, um að setur sem tileinkað verður Sturlungu og Örlygsstaðabardaga verði sett upp í Aðalgötu 21-21a á Sauðárkróki, er ljóst að Byggðasafni Skagfirðinga bíður varanlegur staður annars staðar en þar. Gert var ráð fyrir því í fyrstu að starfsemi þess, sem hefur verið í Minjahúsinu, flyttist þangað. Áætlað er að Byggðasafnið verði staðsett í menningarhúsi á Sauðárkróki.

Fulltrúar Umhverfisstofnunar, Húnavatnshrepps og landeigenda Kornsár 2 í Vatnsdal hafa undanfarið unnið að gerð stjórnunar- og verndaráætlunar fyrir náttúruvættið Kattarauga og hefur hún verið lögð fram til kynningar. Er áætluninni ætlað að vera stefnumótandi skjal og hugsuð sem stjórntæki til að móta framtíðarsýn svæðisins. Markmiðið með gerð hennar er að leggja fram stefnu um verndun Kattarauga og það hvernig verndargildi svæðisins verði best viðhaldið þannig að sem mest sátt ríki um.

Á almennum félagsfundi í Félagi sauðfjárbænda í Austur-Húnavatnssýslu sem haldinn var á Blönduósi þann 25. febrúar síðastliðinn var skorað á stjórn SAH Afurða ehf. að bæta innleggjendum sauðfjárafurða upp þann mikla mun sem var á verði þeirra og annarra afurðastöðva haustið 2017.

Lögreglan á Norðurlandi vestra hafði í nógu að snúast um liðna helgi en alls voru 117 ökumenn kærðir fyrir of hraðan akstur í umdæmi hennar og einn aðili var handtekin vegna gruns um akstur bifreiðar undir áhrifum fíkniefna. Þá sinnti lögreglan útkalli vegna umferðarslyss og maður handtekinn eftir að hafa brotið rúðu á dvalarheimili aldraðra á Sauðárkróki.