Fréttir

Eins og greint frá í síðasta tölublaði Feykis var laxveiði í Húnavatnssýslum með albesta móti í sumar. Á laxasvæði Vatnsdalsár lauk veiði á laxasvæðinu í september. Þar veiddust alls 1296 laxar, þeirra á meðal stærsti lax sumarsins.

Á fundi landbúnaðarráðs Húnaþings vestra þann 1. október sl. var rætt um nauðsyn þess að Vegagerðin láti gera undirgöng undir þjóðveg 1, þar sem umferð hefur aukist gríðarlega.

Sauðfjárslátrun hjá SAH Afurðum á Blönduósi hefur gengið vel það sem af er sláturtíðar, að því er haft er eftir Gunnari Tr. Halldórssyni, framkvæmdastjóra félagsins, á vefnum huni.is.

Gunnar Sigurjón Steingrímsson, yfirhafnarvörður hjá Skagafjarðarhöfnum, lét af störfum í síðustu viku eftir 16 ár störf hjá Sveitarfélaginu Skagafirði. „Honum [eru] færðar þakkir fyrir vel unnin störf í þágu sveitarfélagsins,“ segir á vef Svf. Skagafjarðar.

Hið árlega Menningarkvöld NFNV verður haldið föstudaginn 9. október í Íþróttahúsinu á Sauðárkróki. Kynnir kvöldsins er Jóhannes Haukur, á dagskrá kvöldsins er body paint, dragshow, BMX bros og tónlistar atriði.

Veðurspá Marron 5 fyrir sumarið virðist hafa gengið ágætlega upp en þeir Adam Levine og félagar náðu svolítilli spilun með sumarsmellinum This Summer's Gonna Hurt Like a Mother******.

Karfan.is segir frá því að Tindastóll hefur leyst Darren Townes undan samningi við félagið og hefur miðillin þetta eftir Pieti Poikola þjálfara Tindastóls sem segir að í ljós hafi komið að Tindastóll hafi þörf á öðruvísi leikmanni.

Félagar í Kiwanisklúbbnum Drangey komu heim drekkhlaðnir verðlaunum frá umdæmisþingi Kiwanishreyfingarinnar Ísland/Færeyjar sem haldið var í Vestmannaeyjum helgina 11.-13. september. Hið umfangsmikla verkefni sem klúbburinn stóð fyrir sl. ár, er félagar söfnuðu fyrir nýju speglunartæki á Heilbrigðisstofnun Norðurlands á Sauðárkróki auk þess að bjóða upp á ristilskimun fyrir einstaklinga 55 ára ár hvert, hefur vakið verðskuldaða athygli.

Landsmót hestamanna og ferðaskrifstofan Northwest Adventures hafa gert með sér samstarfssamning um þjónustu við væntanlega gesti Landsmóts á Hólum á næsta ári.

Þetta er neyðarkall frá leikskólastjóra Birkilundar um aðstoð við að finna annars vegar bráðabirgðaúrræði og hins vegar varanlega lausn á húsnæðismálum leikskólans í Varmahlíð. Fólk er í verulegum vandræðum og jafnvel farið að hugsa til þess að flytja úr héraði af því það fær ekki vistun í leikskólanum. Því leita ég til ykkar í von um hugmyndir og stuðning.