Fréttir

Reidmenn.com er verkefni sem unnið er hörðum höndum að því að klára þessa dagana. Um er að ræða kennsluvef fyrir hestamenn sem hefur verið í vinnslu nú í töluvert langan tíma en nú líður að útgáfudegi.

Bændur á Vesturlandi boða til fundar um nýgerðan samning við ESB um viðskipti með landbúnaðarvörur á Hótel Borgarnesi þriðjudagskvöldið 29. september kl. 20:00. Á fundinn mæta Sigurður Ingi Jóhannsson ráðherra landbúnaðarmála og Erna Bjarnadóttir landbúnaðarhagfræðingur hjá Bændasamtökum Íslands.

Laufskálarétt í Hjaltadal í Skagafirði, sem gjarnan er nefnd drottning stóðréttanna, fór fram í góðu veðri í gær. Gestir réttarinnar telja jafnan margfaldan hrossafjöldann, engin undantekning var þar á þetta árið og sem fyrr var gleðin við völd.

Dreifarinn fékk óvænta upphringingu frá Páli Sigurðssyni trésmið á dögunum og var hann vægast sagt óhress. „Já, ég er fullur af vanlíðan og þessi læti þarna í Miðausturlöndum valda mér miklu hugarangri. Ég kvíði því satt best að segja að vakna á morgnana því í hvert skipti sem ég skrúfa frá úvarpinu og fréttalestur hefst þá líður mér eins og það sé búið að drepa mig ítrekað.“

Á morgun, sunnudaginn 27. september, verður afhjúpaður stöpull á Blönduósi til minningar um Sigurð Jónasson (1863-1887) frá Eyjólfsstöðum í Vatnsdal og bókmenntaafrek hans, en hann íslenskaði á unga aldri bókina „Kúgun kvenna“ eftir enska heimspekinginn John Stuart Mill. Athöfnin verður kl. 13:00 og mun taka um 45 mínútur.

„Við sveitarfélögum blasir að rekstrarafkoman versnar, framlegð frá rekstri þeirra minnkar og fjárfestingargetan sömuleiðis. Ástandið kallar á auknar tekjur og enn frekari hagræðingu í rekstri að óbreyttu,“ sagði Karl Björnsson, framkvæmdastjóri Sambands íslenskra sveitarfélaga, í erindi sínu á Fjármálaráðstefna sveitarfélaga í Hótel Nordica fyrir helgi.

Átakið „Hjólað í skólann“ var haldið í þriðja sinn í ár dagana 9.-22. september. Fjölbrautaskóli Norðurlands vestra hafnaði í þriðja sæti í flokki 400-999 nemenda og starfsmanna. Alls 19 framhaldsskólar tóku þátt í ár, en það er sami fjöldi og árið 2014.

Mikil þróun og framfarir hafa verið í kúabúskap og mjólkurframleiðslu undanfarin ár. Búin hafa stækkað og tækniframfarir orðið miklar og mörg bú hafa tekið róbóta í sína þjónustu og er það ánægjulegt og mikilvægt að greinin geti þróast og vaxið svo hún geti orðið sem best samkeppnisfær við aukinn innflutning og aukið vöruúrval og þjónað neytendum sem best. Sá hluti búvörusamningsins sem snýr að mjólkurframleiðslunni rennur út í lok næsta árs og undirbúningur að gerð nýs samnings er hafinn. Í því ljósi vakna ýmsar spurningar um hvernig stuðningi við greinina verði háttað í nýjum búvörusamningi þar sem miklar breytingar hafa verið í greininni undanfarin ár.

Steinull hf. á Sauðárkróki, sem er eina Steinullarverksmiðja landsins, fagnaði fyrr í þessum mánuði 30 ára afmæli sínu. Framleiðsla hófst í verksmiðjunni 15. september 1985, eftir nokkurn undirbúning. Sitt sýndist hverjum um framtíðarhorfur þessa iðnaðarfyrirtækis sem sveitarfélagið og Ríkið komu á koppinn á sínum tíma og eftir fjögur erfið ár í upphafi var farið í endurskipulagningu á eignarhaldi. Fyrirtækið hefur nú skilað hagnaði í 23 ár samfleytt og staðið af sér fleiri en eina kreppu í byggingariðnaði.

Hefur þú áhuga á að starfa í björgunarsveit? Næsta þriðjudag, þann 29. september, verður haldinn kynningarfundur klukkan 20:00 í Sveinsbúð, Borgarröst 1. „Við hvetjum alla til að mæta!“ segir á síðu viðburðarins á Facebook.