Fréttir

Kristján Þór Júlíusson, sjávarútvegs- og landbúnaðarráðherra, Gunnar Þorgeirsson, formaður Bændasamtaka Íslands, og fulltrúar sveitarfélaga í Skagafirði hafa undirritað samkomulag við Kristínu Lindu Jónsdóttur, sálfræðing, um að veita sauðfjárbændum sálrænan stuðning og ráðgjöf vegna riðuveiki sem greinst hefur í Skagafirði. Kristín Linda er klínískur sálfræðingur og rekur eigin sálfræðistofu, Huglind ehf.

Í síðustu greinum höfum við dvalið nokkuð við landsmótið 1970, en þá hófst vegferð sem við skulum nú feta áfram. Árið 1970 markaði upphaf þess þróunarskeiðs innan hestamenskunnar hér á landi sem kallast hestaíþróttir, ekki í merkingunni að á hestamennskuna hafi enginn litið sem íþrótt fyrr en þá, heldur að nýjar keppnisgreinar, sem fengu samheitið hestaíþróttir, voru teknar upp og knapar, einkum af yngri kynslóðinni á þeim tíma, fóru að leggja sig eftir þeim sérstaklega. Fyrst í stað var þetta nokkuð það sem líkja mætti við „jaðaríþrótt“ sem svo jafnt og þétt sótti í sig veðrið og er í dag orðin þungamiðjan í þeim hluta hestamennskunnar sem snýst um keppni.

Eins og allflestir finna fyrir á þessum Covid-tímum er að flestar, ef ekki allar, samkomur af hvers kyns tagi eru háðar fjöldatakmörkunum og jafnvel bannaðar með öllu. Kemur þetta misvel, eða illa, niður á fólki og misjafnt hvernig brugðist er við. Á Hvammstanga tóku eldri borgarar á það ráð að stunda sínar íþróttir úti á svölum meðan þjálfarinn leiðbeinir þeim á gangstéttinni fyrir utan.

Konráð Freyr Sigurðsson átti mjög gott tímabil með karlaliði Tindastóls í sumar og fyrir vikið valinn í lið ársins í 3. deildinni sem hlaðvarpsþátturinn Ástríðan stóð að. Hann spilaði 19 leiki, gerði í þeim fjögur mörk og lagði upp tólf fyrir aðra. Konni, sem lengi hefur verið viðloðandi fótboltann, er uppalin á Akranesi en flutti til Sauðárkróks með foreldrum sínum eftir 10 bekkinn. Hann starfar núna í Húsi frítímans, heldur með Manchester United, þrátt fyrir að vera einnig aðdáandi Gylfa Sig. Konni svara hér spurningum í Liðið mitt.

Það er vissulega áhugavert að vera í háskólanámi í nýju landi með nýju tungumáli. Það tekur tíma að koma sér inn í hluti, fá kennitölu og rafrænan aðgang að gögnum sem skipta í samskiptum við hið opinbera. Málið er hins vegar töluvert flóknara þegar heimsfaraldur dynur yfir og það er sagt að Daninn taki sér tíma í allt, en það hugtak er ansi teygjanlegt.

Í morgun voru ljósin á jólatrénu á Kirkjutorginu á Sauðárkróki tendruð samhliða friðargöngu Árskóla sem fram fór nú með breyttu sniði vegna Covidráðstafana og sóttvarna. Að þessu sinni var friðarljósið ekki látið ganga milli manna eins og venja er en nemendur 10. bekkjar sáu um að flytja ljósið frá kirkju og upp kirkjustiginn þar sem ljósin voru kveikt á krossinum sem stendur fremst á Nafarbrúninni.

Á Covid tímum er sannarlega ástæða til að beina athyglinni að málefnum barna og ungmenna. Mikilvægt er að gefa því gaum hvernig þessi hópur í samfélaginu tekst á við gjörbreyttar og óvæntar aðstæður og leita leiða til að draga úr áhrifum og afleiðingum af skertu frelsi og jafnvel einangrun.

Kristján Þór Júlíusson, sjávarútvegs- og landbúnaðarráðherra, hefur tryggt aukið fjármagn til Bjargráðasjóðs vegna óvenju mikilla kal- og girðingatjóna síðasta vetur. Veitt verður 500 milljónum aukalega í sjóðinn á árinu 2020.

Pure Natura var stofnað 2015 og framleiðir svökölluð fæðuunnin bætiefni eða bætiefni sem unnin eru úr raunverulegum mat. „Við nýtum næringaþéttustu fæðu sem fyrirfinnst, innmat úr íslenskum lömbum, eins og lifur, hjörtu, nýru, eistu og þess háttar, en auk þess nýtum við einnig heilsujurtir í vörurnar til að styðja enn frekar við virkni þeirra. Það þekkja t.d. allir lýsi og þá eiginleika sem það inniheldur, en lýsi er einmitt líka unnið úr innmat – bara innmat úr þorski en ekki lambi,“ segir Hildur Magnúsdóttir, framkvæmdastjóri Pure Natura, í samtali við Feyki. Hildur er M.Sc. í fjármálum og alþjóðaviðskiptum frá Árósaháskóla en starfaði áður sem atvinnuráðgjafi hjá SSNV. Hún er búsett á Ríp í Hegranesi.

Vegna samkomutakmarkana verður aðventunni fagnað með breyttu sniði í Sveitarfélaginu Skagafirði nú um helgina en ekki verður formleg dagskrá við tendrun jólatrés á Kirkjutorgi í ár líkt og hefð er fyrir. Heyrst hefur að jólasveinarnir hafi líkt og mannfólkið áhyggjur af Covidfárinu og ætla að fara að öllum sóttvarnarreglum og laumast til byggða á laugardaginn, taka rúnt um valdar götur á Sauðárkróki í bílalest með blikkljós og jólatónlist.