Hestar

Þá er komið að liði númer tvö sem kynnt er til leiks í Meistaradeild KS 2021 en þar er á ferðinni hið magnaða lið Hrímnis sem endaði í öðru sæti á síðasta ári. Fremstur í flokki Hrímnis fer Þórarinn Eymundsson, reiðkennari við Háskólann á Hólum og reiðmeistari FT.

Hestamenn eru farnir að fyllast spenningi yfir keppni Meistaradeildar KS árið 2021 en tæpur mánuður er til stefnu. Stjórn deildarinnar kynnti í gær fyrsta liðið til leiks á Facebooksíðu sinni og var þar á ferðinni Horfstorfan – 66°norður. Lilja S. Pálmadóttir frá Hofi á Höfðaströnd er liðsstjóri en Lilja hefur ávallt haft úr góðum hestum að velja.

Úrtaka fyrir Meistaradeild KS fór fram í reiðhöllinni Svaðastöðum á Sauðárkróki í gær. Þrjú lið kepptust um að komast í deildina í ár en einungis eitt sæti var laust. Það var Hofstorfan sem stóð uppi sem sigurvegari kvöldsins og mun því taka þátt í deildinni sem hefst 3. mars nk.

Á dögunum fór fram verðlaunaafhending hjá Hestamannafélaginu Skagfirðingi fyrir árið 2020 en þrátt fyrir að ekki hafi verið mögulegt að halda uppskeruhátíð eins og tíðkast hefur í gegnum árin ákvað stjórn þó að tilnefna og verðlauna allt það hæfileikaríka keppnisfólk sem er í félaginu. Á heimasíðu félagsins er talinn upp hópur fólks sem tilnefndir voru til hinna ýmsu verðlauna og þeim sjálfboðaliðum sem starfað hafa fyrir félagið þökkuð óeigingjörn störf.

Í síðustu greinum höfum við dvalið nokkuð við landsmótið 1970, en þá hófst vegferð sem við skulum nú feta áfram. Árið 1970 markaði upphaf þess þróunarskeiðs innan hestamenskunnar hér á landi sem kallast hestaíþróttir, ekki í merkingunni að á hestamennskuna hafi enginn litið sem íþrótt fyrr en þá, heldur að nýjar keppnisgreinar, sem fengu samheitið hestaíþróttir, voru teknar upp og knapar, einkum af yngri kynslóðinni á þeim tíma, fóru að leggja sig eftir þeim sérstaklega. Fyrst í stað var þetta nokkuð það sem líkja mætti við „jaðaríþrótt“ sem svo jafnt og þétt sótti í sig veðrið og er í dag orðin þungamiðjan í þeim hluta hestamennskunnar sem snýst um keppni.

Eiðfaxi segir frá því að stjórn Landsambands hestamanna sæmdi á laugardag Ingimar Ingimarsson, frá Flugumýri en nú ábúanda á Ytra-Skörðugili, Gullmerki samtakana við athöfn í Þráarhöllinni á Hólum. Við athöfnina sagði Lárus Ástmar Hannesson, formaður LH m.a.: „Við hestamenn hömpum okkar góða fólki á ýmsan máta. Sumir ná góðum árangri á keppnisbrautum, aðrir rækta afburða hesta og enn aðrir vinna góð verk, standandi í eldlínu félagskerfisins sem allt annað ber uppi. Það má segja að sá aðili sem við heiðrum hér í dag hafi skilað góðum verkum á öllum þessum sviðum.“

Laugardaginn síðasta skrifuðu fulltrúar Landsmóts ehf, Hestamannafélagsins Skagfirðings og sveitarfélaganna Skagafjarðar og Akrahrepps undir samning um að Landsmót hestamanna árið 2026 verði haldið á Hólum í Hjaltadal.

Sigurbjörn Bárðarson þjálfari A-landsliðs LH hefur valið nýjan landsliðshóp fyrir árið 2021 en framundan er Heimsmeistaramót íslenska hestsins í Herning í Danmörku næsta sumar. Tveir knapar úr hestamannafélögum á Norðurlandi vestra eru í hópnum og aðrir tveir sem tengjast svæðinu. Þórarinn Eymundsson, Skagfirðingi, og Helga Una Björnsdóttir, Þyt, voru valinn í fríðan hóp A landsliðs Íslands í hestaíþróttum en einnig fá ríkjandi heimsmeistarar og titilverjendur inngöngu.

Hekla Katharína Kristinsdóttir landsliðsþjálfari hefur valið knapa í U21-landsliðshópi Landsambands hestamanna fyrir árið 2021, en framundan er Heimsmeistaramót íslenska hestsins í Herning í Danmörku í byrjun ágúst. Knapar í landsliðshópum LH eru í forvali þegar kemur að landliðsverkefnum en einnig er landsliðsþjálfara heimilt að velja knapa utan hópsins þegar þurfa þykir.

Fyrir um mánuði síðan fór þýska meistaramótið í hestaíþróttum fram þar sem mikið var um dýrðir. Í fyrsta sinn veitti þýska landssambandið IPZV viðurkenningu fyrir vel unnin störf í þágu hestamennsku bæði í ræktun og útbreiðslu íslenska hestsins og allt sem því viðkemur og kom hún í hlut Skagfirðingsins Jóns Steinbjörnssonar frá Hafsteinsstöðum. Feykir hafði samband við Jón, eða Nonna eins og hann er oftast kallaður, og forvitnaðist um þennan verðskuldaða heiður.