Fréttir

Körfuknattleiksdeild Tindastóls hefur samið við bandaríska framherjann Quinzia Fulmore um að leika með liðinu á komandi tímabili í Bónus deildinni. Hún er 23 ára gömul og kemur frá Greensboro í Norður-Karólínu, er 190 sm á hæð og spilar stöðu framherja/miðherja en styrkleikar hennar eru inni í teignum. Hún á að baki 112 leiki í bandaríska háskólaboltanum.

Kristín Þórðardóttir, sem starfað hefur sem sýslumaður á Suðurlandi sl. níu ár, hefur verið skipuð í nýtt embætti sýslumanns og er þá eini sýslumaður landsins. Í tilkynningu sem birtist sl. föstudag á vef Stjórnarráðsins segir að hún hafi tekið við stöðunni frá og með 21. ágúst. Fram kemur að starfsstöðvar hins nýja embættis verða óbreyttar við sameininguna og starfsfólk færist til hins nýja embættis. Ekki eru fyrirhugaðar umfangsmiklar breytingar á núverandi skipulagi þeirra eða þjónustuframboði.

Dagana 20.-22. ágúst fór fram Íslandsmót unglinga í höggleik 14 ára og yngri á Þorláksvelli hjá Golfklúbbi Þorlákshafnar. Golfklúbbur Skagafjarðar átti fimm glæsilega fulltrúa; Brynjar Morgan Brynjarsson, Sigurbjörn Darra Pétursson og Gunnar Atla Þórðarson sem kepptu í flokki 13-14 ára - og Ólaf Bjarna Þórðarson og Karl Goðdal Þórleifsson í flokki 12 ára og yngri. Strákarnir allir sem einn stóðu sig með prýði og voru klúbbnum til mikils sóma. Það fór svo að Ólafur Bjarni landaði sigri og þar með Íslandsmeistaratitli, sem er ekkert nema stórkostlegur árangur hjá dreng á tólfta aldursári. Þrotlaus vinna og þrautseigja liggur að baki, og uppskeran eftir því.

Dagana 12.–20. júlí fór fram FEIF Youth Cup í Rieden í Þýskalandi. Á mótið koma ungir knapar alls staðar að úr heiminum til að keppa, læra hvert af öðru og kynnast nýju fólki. Súsanna Guðlaug Halldórsdóttir frá Ríp 3 í Hegranesinu var hluti af íslenska hópnum og Feykir fékk hana til að segja frá ferðinni.

Það var ljóst eftir jafntefli á Ólafsfirði um miðja síðustu viku að allir fjórir leikir Tindastóls sem eftir voru í 3. deildinni þetta sumarið yrðu í raun hreinir úrslitaleikir. Staðan á toppi deildarinnar er það jöfn, en fjögur lið berjast um tvö sæti í 2. deild, að það má hvergi út af bregða. Í dag mættu Stólarnir liði Augnabliks í Fífunni og tvö mörk frá Benna á lokakaflanum voru allt sem þurfti til að næla í stigin þrjú. Lokatölur 0-2.

Lægri vextir, stöðugra verðlag og lægri framfærslukostnaður skipta heimili og fyrirtæki miklu máli. Það er því ekki skrýtið að þau mál séu fyrirferðarmikil í umræðunni um Evrópusambandið. Íslendingar borga hæstu vexti í Evrópu og við borgum mest fyrir matarkörfuna í annars frábæru landi. Já, þetta eru sterk rök fyrir því að segja JÁ í þjóðaratkvæðagreiðslunni 29. ágúst nk.

Síðasta vetur tók karlalið Tindastóls þátt í Evrópukeppni í körfubolta. Þátttakan heppnaðist vel, liðið átti marga stórfína leiki í keppninni, það náði góðum árangri og frábær stemning skapaðist í Síkinu sem vakti verðskuldaða athygli út fyrir landsteinana og skilaði körfuknattleiksdtildinni tekjum. Í yfirlýsingu frá stjórn körfuknattleiksdeildar í morgun var sagt frá því að ákveðið hafi verið að endurtaka leikinn og verða Stólarnir því enn á ný þátttakendur í ENBL-deildinni.

Feykir hafði af því spurnir að nafnar nokkrir úr Blönduhlíðinni væru á leið í ævintýraferð og samdi við þann yngri að segja okkur ferðasöguna að ferð lokinni og kemur hún hér:

Nítjánda umferð 2. deildar karla í knattspyrnu hófst í Garðabænum í gær þar sem botnlið KFG tók á móti liði Kormáks/Hvatar í Miðgarði. Garðbæingar voru í slæmum málum kyrfiilega staðsettir á botni deildarinnar fyrir sléttri viku en 0-5 sigur í síðustu umferð virtist hafa fært þeim byr undir báða og þeir héldu uppteknum hætti þegar Húnvetningar kíktu í heimsókn. Lokatölur 4-0.

Á Blönduósi er oft stutt í góðar sögur af fólkinu á staðnum og ferfætlingunum þeirra. Una Ósk Guðmundsdóttir er frá Blönduósi, hún er dóttir þeirra Guðmundar Eyþórssonar frá Sólvangi og Þrúðar Höllu Guðmannsdóttur frá Ljótshólum í Svínadal. Una á fimm systkini föður megin og er eigandi Míu. Feykir fékk Unu til að segja frá níu ára gömlu Míu.