Skagafjörður

Atvinnumál kvenna og Svanni-lánatryggingasjóður hefur útnefnt Hildi Magnúsdóttur, frumkvöðul og stofnanda Pure Natura á Sauðárkróki, frumkvöðul febrúarmánaðar. Pure Natura var stofnað í september 2015 og framleiðir vítamín og fæðubótarefni úr innmat og kirtlum úr íslensku sauðfé í bland við villtar íslenskar jurtir.

Alls tóku 180 nemendur þátt í keppninni og fimmtán stigahæstu keppendurnir komast áfram í úrslitakeppni. Fulltrúi FNV í keppninni var Mikael Snær Gíslason. Hann hafnaði í 4.-5. sæti og kemst þar með áfram í úrslitakeppnina. Frá þessu er sagt á vef FNV.

Það heyrir til tíðinda þegar fé er heimt af fjalli í lok janúar. Nýlega sagði Feykir frá því að smalað hefði verið í Vesturfjöllunum svokölluðu í Skagafirði. Í mánudaginn fór svo vaskur hópur austan Vatna manna ásamt tveimur hundum á Hvammsdal og sótti þangað þrjár kindur.

Tilnefningar til Edduverðlaunanna voru kynntar við hátíðlega athöfn í Bíó Paradís í gær. Þar var einnig frumsýnd ný Eddu-verðlaunastytta. Gripurinn er smíðaðar í málmiðnadeild FNV en hönnuð af Árna Páli Jóhannessyni.

Á síðasta fundi byggðarráðs Svf. Skagafjarðar var lagður fram tölvupóstur frá Vistorku ehf., þar sem tilkynnt var um afgreiðslu Orkusjóðs á umsókn félagsins um styrk fyrir hleðslustöðvum á Norðurlandi fyrir rafbíla. Sveitarfélagið Skagafjörður var aðili að umsókninni og verður ein hraðhleðslustöð staðsett í Varmahlíð og önnur á Sauðárkróki.

Alls sendu átta hæfir aðilar inn tilboð í hönnunarútboð vegna nýs skrifstofuhúsnæðis Byggðastofnunar á Sauðárkróki en þátttakendur voru valdir með tilliti til hæfni og reynslu að hönnun mannvirkis og lóðar. Á vef Framkvæmdasýslu ríkisins segir að leitað hafi verið eftir hönnunarteymi, sem gæti tekið að sér að hanna skrifstofubygginguna, samkvæmt kröfu og þarfalýsingu sem er hluti af útboðsgögnum.

Hólmfríður Sveinsdóttir framkvæmdastjóri Iceprotein og Protis á Sauðárkróki hlaut í síðustu viku hvatningarverðlaun Félags kvenna í atvinnurekstri, FKA. Hún er með meistarapróf í næringarfræði og doktorspróf í matvælaefnafræði og framkvæmdastjóri Iceprotein og Protis á Sauðárkróki.

Vefsíðan Aflafréttir hefur tekið saman lista yfir aflahæstu togara landsins fyrir árið 2016. Skagfirski togarinn Málmey SK 1 var fengsæll og bar mestan afla allra ísfisksveiðiskipa að landi, alls 8551 tonn í 47 löndunum. Næstu skip voru Björgvin EA 311 með 7467 tonn og Helga María AK 16 með 7454 tonn. Í ellefta sæti kemur svo Klakkur SK 5 með 5654 tonn.

Setningarhátíð Lífshlaupsins fór fram í morgun í Reykjanesbæ. Um er að ræða árlegt heilsu- og hvatningarverkefni Íþrótta- og Ólympíusambands Íslands. Allir geta skráð sig til leiks á heimasíðu Lífshlaupsins, www.lifshlaupid.is.

Síðastliðinn föstudag fór fríður hópur ungmenna úr Félagsmiðstöðinni Friði í Skagafirði til Dalvíkur en þar fór fram söngkeppni félagsmiðstöðva á Norðurlandi, Norður-org. Þrettán atriði voru skráð til leiks og kepptu um þau fimm sæti sem voru í boði í Söngkeppni Samfés sem verður haldi 25. mars nk. í Laugardalshöll.