Fréttir

Á ársfundi HSN 20. maí sl. voru í fyrsta sinn veittar viðurkenningar til starfsfólks sem hefur skarað fram úr í starfi og lagt sitt af mörkum til að gera HSN að enn betri vinnustað og öflugri þjónustuveitanda. Viðurkenningin ber heitið Fyrirmyndin okkar.

„Ég verð að viðurkenna vanþekkingu mína á Evrópusambandinu sem hér er að verða bara æpandi greinilega. Vegna þess að ég kannast ekki við ummæli Evrópusambandsins eða framkvæmdastjórnarinnar varðandi það að íslenzk stjórnsýsla sé of lítil til þess að geta tekizt á við Evrópusambandsaðild,“ sagði Dagbjört Hákonardóttir, þingmaður Samfylkingarinnar, í umræðum á Alþingi í vikunni um þingsályktunartillögu utanríkisráðherra um fyrirhugað þjóðaratkvæði um sambandið.

Að þessu sinni er það Heiðdís Pála Áskelsdóttir sem svarar Tón-lystinni en það skortir ekki tónlistaráhugann í hennar fjölskyldu. Hún er alin upp í Skagafirðinum, fædd árið 2008 og búin að búa á Króknum allt sitt líf. Foreldrarnir eru Vala Bára Vals og Bræðslubóndinn Áskell Heiðar frá Borgarfirði eystri. Nú stundar Heiðdís Pála nám við Menntaskólann á Akureyri og býr á vistinni.

Lið Kormáks/Hvatar og Tindastóls spiluðu bæði gær í fótboltanum. Húnvetningar gátu loks spilað á Blönduósi og þar lögðu þeir lið Kára frá Akranesi 4-1 eftir að hafa lent undir um miðjan fyrri hálfleik. Stólarnir töpuðu sínum fyrstu stigum á Egilsstöðum þar sem þeir gerðu markalaust jafntefli við lið Hattar.

Sumarsýning eða sérsýning Heimilisiðnaðarsafnsins á Blönduósi þetta sumarið, Hadda – leikur með þræði, verður opnuð 25. maí (annan í hvítasunnu) kl. 15:00.

Formenn Verslunarmannafélags Skagafjarðar, Öldunnar og Samstöðu hafa undanfarið kannað möguleika á sameiningu þessara þriggja félaga. Búið er að ræða stöðu og getu sjóða félaganna og möguleika á að standa við skuldbindingar ef af sameiningu yrði. Engin atriði hafa komið upp sem eru líkleg til að standa í vegi fyrir sameiningu.

Eitt af stærstu kúabúum í Skagafirði er Kúskerpi í Blönduhlíð. Það reka og eiga María Jóhannsdóttir og maður hennar Einar Halldórsson ásamt sonum tveimur, Sigurði og Halldóri og Kolbrúnu Grétarsdóttur konu hans. 120 mjólkandi kýr eru í fjósi, tveir mjaltaþjónar og framleiðsluréttur u.þ.b. 800.000 lítrar. Nautgripir til manneldis eru um það bil 100. Kornrækt er talsverð. Lítilsháttar sauðfjárrækt og hrossarækt er stunduð að ógleymdri skógræktinni. María er fædd og uppalin á Kúskerpi. Foreldrar hennar voru Sigurlína Magnúsdóttir og Jóhann Lúðvíksson Korshamn en hann var norskur. María er því hálfur Nojari og telur hún að norsku genin hafi reynst henni notadrjúg í lífinu hvað sem það nú þýðir. Blaðamaður Feykis leit við í kaffi hjá Mæju á dögunum og spjallaði við hana um búskapinn og lífið í sveitinni.

Berglind Inga Guðmundsdóttir er að mestu uppalin á Sauðárkróki og var í hinum stórkostlega ‘83 árgangi. Berglind er búsett í fjallabæ í Noregi með manni, tveimur börnum og litlum hundi. Hún vinnur sem sérfræðingur hjá Norska heilbrigðisskjalasafninu þar sem sjúkraskrám látinna Norðmanna er komið á stafrænt form, miðlað til rannsókna og þær varðveittar að eilífu.

Karlakórinn Heimir í Skagafirði er félagsskapur sem stendur á gömlum merg, en um þessar mundir eru tæp hundrað ár liðin frá stofnun kórsins. Allan þennan tíma hefur starfsemin byggst á metnaði og elju kórmeðlima, og félagsskapurinn hefur lifað og dafnað vegna þess að yngri menn hafa gengið í kórinn og komið í stað þeirra sem fallið hafa frá eða hætt fyrir sakir aldurs. Maður hefur komið í manns stað - svo langt sem það nær reyndar. Það er nefnilega svo að hver og einn setur sitt sérstaka mark á umhverfi sitt og samfélag, sem enginn annar mun gera með nákvæmlega sama hætti.

Í kvöld fóru fram grjóthörð úrslit í Skólahreysti og var keppnin sýnd í beinni útsendingu í Ríkissjónvarpinu. Það voru tólf skólar sem kepptu til úrslita og þar af einn skóli af Norðurlandi vestra en það var lið Grunnskóla Húnaþings vestra. Að sjálfsögðu gerðu þau sér lítið fyrir og unnu keppnina með stæl, fengu 60 stig eftir að hafa staðið sig frábærlega í öllum greinum og en skólarnir tveir sem deild 2. og 3. sæti fengu 54 stig. Til hamingju Húnvetningar!