Fréttir

SSNV leitar að öflugum, framsýnum og markaðsþenkjandi verkefnisstjóra til að styðja við framþróun í atvinnu-, fjárfestinga- og markaðsmálum landshlutasamtakanna. Um er að ræða fjölbreytt starf sem tengist atvinnustarfsemi landshlutans, fjárfestingum og markaðssetningu á þeim fjölbreyttu tækifærum sem Norðurland vestra býður upp á. Verkefnastjóri fjárfestinga og atvinnuþróunar leiðir fjárfestingaverkefni landshlutans og sækir fram þar sem tækifæri gefast til að kynna fjárfestingatækifæri á Norðurlandi vestra og efla atvinnulíf landshlutans. Þá ber hann ábyrgð á markaðsmálum samtakanna.

Hinsegin dagar í Skagafirði hafa heppnast frábærlega til þessa og ná hámarki í dag, föstudag, og á morgun, laugardag. Dagskrána er að finna á Facebook-síðu Skagafjarðar, en boðið hefur verið upp á alls kyns viðburði sem hafa verið virkilega vel sóttir.

Á vef sveitarfélagsins Skagafjarðar má lesa að það býr svo vel að eiga veiðileyfi í Laxá í Laxárdal og býður þau nú til kaups. En eins og fram kemur þarf að hafa hraðar hendur því fyrstur kemur fyrstur fær. En tilkynningin hljóðar svo:

Á morgun, laugardaginn 15. ágúst, fer 17. umferðin fram í 2. og 3. deild karla þar sem Kormákur/Hvöt spilar útileik gegn Magna úr Grenivík og lið Tindastóls tekur á móti KV. Þá fer 14. umferðin í Lengjudeild kvenna einnig af stað og fara Stólastelpur á Seltjarnarnesið til að heimsækja Gróttu.

Í byrjun ágúst fór Suður-Ameríkukeppni kvenna í körfubolta (FIBA South American Women's Championship) fram í Zárate í Argentínu. Lið Argentínu stóð uppi sem sigurvegarar og nýr leikmaður kvennaliðs Tindastóls, Florencia Chagas, var valin í úrvalslið mótsins. Þetta kom fram á Facebook síðu Körfuknattleiksdeildarinnar.

Íslandsmót golfklúbba 2026 í 1. deild kvenna hófst í dag, 13. ágúst, og fer fram á Hlíðavelli hjá Golfklúbbi Mosfellsbæjar. Mótinu lýkur 15. ágúst. Átta af sterkustu golfklúbbum landsins taka þátt í mótinu í ár og er Golfklúbbur Skagafjarðar einn af þeim.

Atvinnulífssýning Skagafjarðar verður haldin í íþróttahúsinu á Sauðárkróki helgina 19.–20. september nk. Sem fyrr er sýningunni ætlað að varpa ljósi á þann fjölbreytileika sem er í þjónustu, framleiðslu, mannlífi og menningu í sveitarfélaginu ásamt því að vekja jákvæða athygli á samfélaginu.

Það er Gunnar Ásgrímsson frá Sauðárkróki sem svarar Rabbinu í þetta skiptið. Hann er fæddur aldamótaárið 2000, sonur Gurru og Ása (Guðrúnar Sighvatsdóttur og Ásgríms Sigurbjörnssonar), býr í Reykjavík sem stendur og segist vera barnlaus einhleypingur. Gunnar var að útskrifast sem stærðfræðikennari frá HÍ og vinnur nú í Háteigsskóla í Reykjavík. Sumrinu segist hann helst ætla að eyða í að ferðast og vinna með ungliðum í xNei fyrir atkvæðagreiðsluna í ágúst.

Svo söng þjóðskáldið í eyru okkar sem ung unnum í „vinnslunni“ og horfðumst í augu við þann gula í flökuninni. En undanfarin ár hefur færibandið snúið í hina áttina og textinn ætti betur við líðandi stund sem: „Þúsund þorskar á færibandinu þokast fjær!“. Ástæðan er ekki minni afli eða færri fiskar, heldur aðstæður okkar út í hinum stóra heimi. Tollar ESB á unnar vörur hindra okkur í að vinnan allan bolfisk, þ.m.t. lax, í neytendaumbúðir hér heima. Það er vitað mál að aldrei verður hægt að vinna hér nema hluta aflans inn á ferska markaðinn í Evrópu.

Mánudaginn 27. júlí fór Selatalningin mikla fram á Vatnsnesi í 16. skipti á vegum Selaseturs Íslands. Alls tóku 43 manns þátt í talningunni. í tilkynningu á vef Selasetursins segir að í fyrrasumar varð 19% fækkun sela miða við talninguna árin tvö á undan. Vonast var til að um frávik væri að ræða og því varð niðurstaðan úr talningunni nú í júlí talsverð vonbrigði því fjöldinn stóð nánast í stað frá í fyrra, 441 selur talinn.