Fréttir

BioPol ehf. á Skagaströnd hefur um langt árabil haft samstarf við Hafrannsóknastofnun um merkingar á hrognkelsum. Á síðasta ári voru fiskar merktir með tvennum hætti, annars vegar um 200 fiskar á hefðbundinni veiðislóð inni á Húnaflóa og hins vegar um 290 ungir fiskar í alþjóðlegum makrílleiðangri norður og suður af Íslandi og við austurströnd Grænlands.

Nú hefur Leitarstöð Krabbameinsfélagsins breytt boðunum í skoðanir hjá sér og hefur heilbrigðisstarfsfólk áhyggjur af því að það kunni að hafa áhrif á það að konur bóki sig í væntanlega hópskoðun sem fram fer á Sauðárkróki 11. - 14. mars nk. Krabbameinsfélagið hefur sett af stað tilraunaverkefni sem felst í því að bjóða þeim konum sem verða 23 ára og 40 ára á árinu 2019 gjaldfrjálsa skimun fyrir krabbameini í leghálsi og brjóstakrabbameini á vegum Leitarstöðvarinnar.

Umhverfis- og auðlindaráðuneytið, Skógræktarfélag Íslands, Landgræðslan og Skógræktin hafa endurnýjað samning um rekstur og framkvæmd Landgræðsluskóga til næstu fimm ára. Samningurinn felur í sér ýmis ákvæði varðandi framkvæmd Landgræðsluskóga s.s. að Skógræktarfélag Íslands vinni áætlun sem að lágmarki skilgreinir markmið, tegundaval og afmörkun svæða til gróðursetningar.

Rétt eftir miðnætti í fyrrinótt eða um kl. 00:40 var óskað eftir aðstoð slökkviliðs Brunavarna Skagafjarðar í Norðurárdal í Skagafirði, vegna elds sem logaði í vöruflutningabifreið af minni gerðinni. Var bifreiðin alelda þegar komið var á vettvang og allt ónýtt sem í henni var. Samkvæmt Facebooksíðu slökkviliðsins voru tveir einstaklinar í bifreiðinni en varð þeim ekki meint af. Eldsupptök eru ókunn.

Á morgun, fimmtudag og fram til sunnudagsins 3. mars, munu stelpurnar í 3. flokki kvenna Tindastóls í fótbolta ganga í hús á Sauðárkróki og selja Bláa naglann, sem er tákn vitundarvakningar karlmanna með krabbamein. Einnig verða stúlkurnar í Skagfirðingabúð frá klukkan 16-19 bæði fimmtudag og föstudag. Safnað er fyrir skimunarprófum fyrir ristilkrabbameinum og samfélagssjóð um erfðarannsóknir.

Nú er komið að því að Óskar Örn Óskarsson læknir í Reykjavík treysti lesendum fyrir tón-lyst sinni. Óskar er fæddur 1973, sonur Óskars Jónssonar læknis og Aðalheiðar Arnórsdóttur sjúkraliða. Hann ólst upp á Sauðárkróki frá sex ára aldri, fyrst með búsetur í Læknisbústaðnum og síðar Túnahverfinu. Nú býr hann í Vesturbænum í Reykjavík.

Annað mót Meistaradeildar KS fer fram í kvöld, 27. febrúar í reiðhöllinni Svaðastöðum á Sauðárkróki, þegar keppt verður í slaktaumatölti (T2)! Höskuldur Jónsson og Svörður frá Sámsstöðum, sem keppa fyrir Leiknisliðið, munu ríða á vaðið og hefja keppni klukkan 19. Eftir gæðingafimina sem fram fór fyrir tveimur vikum trónir Ísólfur Líndal Þórisson á toppnum í einstaklingskeppninni með 28 stig og lið hans, Skoies/Prestige, leiðir liðakeppnina með 76 stig.

Í gær var haldinn íbúafundur á Blönduósi vegna fyrirhugaðrar móttöku flóttafólks í sveitarfélaginu. Liðlega 100 manns sóttu fundinn sem haldinn var í Félagsheimilinu á Blönduósi, að því er Húni.is greinir frá.

Í dag kl. 15:30 verður opið hús í Textíllistamiðstöðinni á annarri hæð Kvennaskólans á Blönduósi þar sem haldin verður sýning á verkum þeirra listamanna sem þar hafa dvalið að undanförnu.

Í grein frá fulltrúum meirihluta framsóknar- og sjálfstæðisflokks í skipulags- og byggingarnefnd, sem birtist á vef Feykis 22. febrúar, er ástæða þess að Blöndulína 3 er nú sett á aðalskipulag Skagafjarðar sögð að frestur um ákvörðun línunnar hafi runnið út árið 2016. Staðreyndin er sú að Blöndulína 3 er ekki á framkvæmdaáætlun Landsnets til næstu þriggja ára samkvæmt kerfisáætlun og umhverfismat línunnar liggur ekki fyrir. Að setja Blöndulínu 3 á aðalskipulag er því algjörlega ótímabær ákvörðun. Meirihluti sveitarstjórnar er tilbúinn að binda sig við aðeins 3 km í jörðu og restina í möstur, þegar ljóst er að framkvæmdin kemur ekki til með að eiga sér stað á næstunni. Tækninni fleygir fram og getur gjörbreytt forsendum jarðstrengjalagna í millitíðinni.