Fréttir

Á Kirkjuþingi 2019 var fjallað um breytingar sem framundan eru á skipulagi þjóðkirkjunnar og snúa þær að sameiningu prestakalla eða flutningi þeirra milli prófastsdæma. Meðal þeirra breytinga sem fyrirhugaðar eru er að Breiðabólstaðar-, Melstaðar-, Skagastrandar- og Þingeyraklaustursprestakall í Húnavatns- og Skagafjarðarprófastsdæmi sameinist í Húnavatnsprestakall. Önnur umræða um sameiningartillögurnar mun fara fram á framhaldsþingi Kirkjuþings í mars 2020.

Landsmenn allir hafa á nýliðnum dögum upplifað fátíðar afleiðingar vetrarveðurs. Óveðrið hefur opinberað gríðarlega veikleika í grunn innviðum landsins. Þúsundir íbúa hafa verið án án rafmagns og fjarskiptasamband verið í lamasessi og er ekki að fullu komið í eðlilegt horf enn þegar þetta er ritað. Yfir 800 björgunarsveitarmenn hafa sinnt um 1000 útköllum vítt og breitt um landið og sem fyrr staðið vaktina með miklum sóma, hafa unnið gott starf sem gerir hvern Íslending stoltan.

Í gærkvöldi og nótt bættust nýjar truflanir við á Norðurlandi og eru enn nokkrir straumlausir vegna þessa, segir í tilkynningu á heimasíðu RARIK. Miklar rafmagnstruflanir voru út frá aðveitustöðvum í Hrútatungu og Glerárskógum í gær og í nótt vegna seltu og hreinsunar tengivirki í Hrútatungu. Allir eru komnir með rafmagn aftur.

Tindastóll og ÍR mættust í Síkinu í gær í leik þar sem lið Tindastóls gat tryggt stöðu sína á toppi 1. deildar kvenna fyrir jólafrí. Leikurinn var jafn og spennandi en það var lið ÍR sem leiddi nánast allan leikinn en Stólastúlkur voru hársbreidd frá því að stela sigrinum af Breiðhyltingum en lukkudísirnar voru ekki í liði Tindastóls á lokamínútunni. Lokatölur í skúffelsis ósigri voru 62-64.

Klukkan 07:45 í morgun leystu tengivirki í Hrútatungu og Glerárskógum út vegna seltu í tengivirki Landsnets í Hrútatungu. Öll Húnavatnssýslan, dalirnir, Fellsströnd, Skarðsströnd og Skógarströnd urðu rafmagnslaus í einhvern tíma. Á heimasíðu RARIK kemur fram að vegna gríðarlegrar seltu megi búast við áframhaldandi truflunum á þessum svæðum í dag og fram á nótt.

Nú eru síðustu forvöð að tilnefna mann ársins á Norðurlandi vestra fyrir árið 2019 en líkt og undanfarin ár leitar Feykir til lesenda með tilnefningar. Nú er komið að því að finna verðugan aðila til að taka við nafnbótinni af Ólöfu Ólafsdóttur á Tannstaðabakka sem var kjörin maður ársins 2018.

Eftir margra daga rafmagnsleysi eru allir komnir með rafmagn í Húnavatnssýslum en enn er bilun á Glaumbæjarlínu þar sem fjórir bæir eru rafmagnslausir og Skaginn norðan Gauksstaða einnig en þar er verið að gera við línuna, samkvæmt stöðuuppfærslu RARIK frá því fyrr í dag.

Í 46. tbl. Feykis sem kom út þann 4. desember sl. sáu þau Sigríður Skarphéðinsdóttir og Friðrik Þór Jónsson um matarþátt blaðsins. Þau búa í Skriðu í Akrahreppi ásamt dætrum sínum, Silju Rún og Sunnu Sif. Ekki var nóg plássí blaðinu til að birta allar uppskriftirnar sem þau sendu þannig að hér birtist sú uppskrift sem út af stóð, heimabakað brauð sem væri alveg tilvalið að skella í ofninn um helgina og njóta með góðu áleggi og kaffibolla eða heitri súpu en í blaðinu gáfu þau lesendum einmitt uppskrift að ljúffengri kjúklingasúpu.

Þar sem ekki er fært á AVIS skíðasvæðið í Tindastól þessa dagana verður áður auglýstum hittingi yngri skíðaiðkenda frestað til 28. desember klukkan 14:00. Áætlað er að þá verði búið að opna svæðið og þá tilvalið að skella sér á skíði líka.

Þó rafmagn sé komið á að megninu til á Norðurlandi vestra eru enn nokkur svæði án þess en rafmagnslaust er á tveimur spennistöðvum í Vestur Hópi. Bilun er á Glaumbæjarlínu í Skagafirði og straumlaust er á milli Gýgjarhóls og Reynisstaða og Melur og Holtsmúli eru straumlaus. Þá er Skaginn að austanverðu rafmagnslaus að hluta en unnið er að því að gera við línuna, töluvert er af brotnum staurum.