Fréttir

Nýr búnaður bættist við hjá Félagsheimilinu á Hvammstanga þegar Leikflokkur Húnaþings vestra og félagsheimilið skrifuðu undir samning vegna kaupa á ljósabúnaði fyrir rúmar tvær milljónir króna til afnota fyrir Félagsheimilið. Hér er væntanlega um kærkomna viðbót að ræða fyrir húsið þar sem nýi búnaðurinn leysir af hólmi ljósabúnað sem er að hluta til upprunalegur eða frá árinu 1960. Sagt er frá þessu á heimasíðu Húnaþings vestra.

Á síðasta ári var bætt við stöðugildum hjá flestum lögregluembættum um landið til að styrkja skilvirkni lögreglunnar í kynferðisbrotamálum. Þar með var hafin vinna við að hrinda í framkvæmd aðgerðaáætlun um meðferð kynferðisbrota innan réttavörslukerfisins. Sú aðgerðaáætlun felur m.a. í sér að renna styrkari stoðum undir samstarf milli lögreglu og ákæruvalds til að bæta stöðu brotaþola í kynferðisbrotamálum og styrkja réttarstöðu þeirra.

Samtök sveitarfélaga á Norðurlandi vestra taka nú þátt í alþjóðlegu samstarfsverkefni sem nýlega hlaut styrk úr sjóði Norðurslóðaverkefna. Verkefni þessu er ætlað að taka á ýmsum áskorunum sem fyrirtæki á jaðarsvæðum kunna jafnan að glíma við, svo sem smæð markaðar, fjarlægð frá markaði og einangrun. Frá þessu er sagt á vef SSNV.

Björgunarsveitirnar þrjár í Skagafirði héldu um helgina hópslysaæfingu þar sem í fyrsta skipti var notast við neyðartjald sem Isavia gaf Slysavarnarfélaginu Landsbjörg í sumar og staðsett er í Varmahlíð. Sett var á svið bílslys með sex slösuðum farþegum í tveimur bílum. Félagar úr Unglingadeildinni Trölla sáu um að leika sjúklinga og segir Ásta Birna Jónsdóttir, björgunarsveitarmaður, það mjög verðmætt fyrir björgunarsveitirnar að njóta aðstoðar þeirra á æfingum, enda gildi hið fornkveðna hvað ungur nemur gamall temur.

Jólabasar kvenfélagsins Heklu verður haldinn í Skagabúð sunnudaginn 2. desember kl. 14-17. Þar verður ýmislegt til sölu, s.s. jólakort og pappír, gott úrval af heimaunninni vöru og handverki. Heitt súkkulaði og meðlæti selt á 1.000 kr. fyrir eldri en 12 ára, 500 kr. fyrir 7-12 ára og frítt fyrir 6 ára og yngri.

Íbúalýðræði og samráð við íbúa eru orð sem voru mikið notuð í aðdraganda sveitarstjórnarkosninga síðastliðið vor. Í því samhengi var meðal annars talað um þátttökuaðferðir, en þær eru nokkrar og mis bindandi. Nú í haust var tekin samhljóða ákvörðun í sveitarstjórn sveitarfélagsins Skagafjarðar að bjóða íbúum upp á opna íbúafundi þar sem rædd verður fjárhagsáætlun ársins 2019 og íbúum gefinn kostur á að koma með sínar hugmyndir um áhersluatriði í þjónustu og framkvæmdum.

Næstkomandi fimmtudag, 29. nóvember, munu Þekkingar- og Textílsetur í samstarfi við Nýsköpunarmiðstöð Íslands halda málstofu um ,,Stafrænan textíl – nýsköpun í þróun, hönnun og framleiðslu”. Málstofan verður haldin í Þjóðminjasafni Íslands kl. 9:00 - 11.00. Á dagskrá eru fjölbreytt erindi um möguleika og tækifæri á sviði textíls. Meðal þeirra sem flytja erindi á málþinginu er Anastasia Pistofidou, stofnandi Fab Textiles Research Lab í Barcelona, Katrín Káradóttir, fagstjóri í fatahönnun við Listaháskóla Íslands og Ragnheiður Björk Þórsdóttir, textíllistamaður og sérfræðingur Þekkingar- og Textílsetursins.

Ríflega hundruð manns lögðu leið sína í gamla bæinn á Blönduósi síðastliðinn laugardag en þar fór fram í fyrsta sinn viðburðurinn Notaleg vetrarstund í gamla bænum á Blönduósi. Viðburðurinn var á vegum rekstraraðila á svæðinu sem buðu gestum og gangandi að líta við, kynna sér starfsemina og þiggja léttar veitingar. Söguganga á vegum Katharinu Schneider og Vötnin Angling Service vakti mikla lukku meðal gesta en verkefnið hefur verið í hönnun um nokkurt skeið og er það styrkt af Uppbyggingarsjóði SSNV.

Á aðfaranótt laugardags kvaddi Vala Mist Valsdóttir þennan heim en hún fæddist þann 12. janúar 2017 eftir erfiðar síðustu vikur í móðurkviði. Höfðu mæðgurnar verið í ströngu eftirliti frá því að hraðtaktur kom í ljós í mæðraskoðun á 34 viku. Stúlkan fór ásamt foreldrum sínum, Lilju Gunnlaugsdóttur og Vali Valssyni, til Svíþjóðar þar sem gera þurfti „opna hjartaaðgerð“ á henni.

Crecitinfo birti nýlega lista yfir 857 framúrskarandi fyrirtækja á landinu sem eru um 2% íslenskra fyrirtækja. Creditinfo hefur síðastliðin níu ár unnið greiningar á ýmsum þáttum varðandi rekstur og stöðu fyrirtækja á Íslandi og er meginmarkmið greiningarinnar að verðlauna þau fyrirtæki sem standa sig vel og stuðla að bættu viðskiptaumhverfi.