Fréttir

Leikfélag Sauðárkróks frumsýnir Ævintýrabókina eftir Pétur Eggerz næstkomandi sunnudag í Bifröst. Höfundur tónlistar er Guðni Franzson og leikstjóri Ingrid Jónsdóttir. Alls eru 28 hlutverk í sýningunni sem leikin eru af 25 leikurum. Tíðindamaður Feykis fór á æfingu á þriðjudagskvöldið og tók upp nokkur myndbrot og klippti saman.

Nafn: Rúnar Björn Herrera Þorkelsson. Búseta: Fossvogsdalur í Reykjavík. Hvernig nemandi varstu? Mig langar að segja slæmur en ég vil frekar vísa því til skólakerfisins. Ég var uppfinningasamur, lífsglaður og hafði litla getu til að sitja kyrr og stunda páfagaukanám. Hvernig slakarðu á? Horfi á þætti, bíómyndir, dúlla mér í tölvu, fikta í alskonar dóti eða ligg í sólbaði. Hvernig er eggið best? Í pönnuköku.

Í kvöld, miðvikudaginn 3. október klukkan 20:00, standa Ásmundur Einar Daðason, félags- og jafnréttismálaráðherra og Halla Signý Kristjánsdóttir, þingmaður í NV kjördæmi, fyrir opnum kvöldfundi á Sauðárkróki í Framsóknarhúsinu að Suðurgötu 3.

Dansmaraþon 10. bekkinga í Árskóla á Sauðárkróki hófst klukkan 11 í morgun og stendur í sólarhring þar sem nemendur ætla að dansa til kl. 11:00 á morgun. Stífar æfingar hafa farið fram undir stjórn Loga danskennara, sem að sjálfsögðu er mættur í Skagafjörðinn af þessu tilefni.

Líkamsárás sem átti sér stað á Sauðárkróki var kærð til lögreglu sl. föstudag í upphafi Laufskálaréttarhelgar í Skagafirði. Einn var tekinn grunaður um ölvunarakstur og eitt fíkniefnamál kom til kasta lögreglunnar.

Í morgun fór fram fjölmiðla- og kynningarfundur KKÍ fyrir komandi keppni í Dominos-deildunum í körfunni. Við það tækifæri voru birtar spár formanna, þjálfara og fyrirliða liðanna í Dominos og 1. deild karla og kvenna fyrir tímabilið 2018–2019.

Katrín Jakobsdóttir forsætisráðherra verður á opnum fundi á Kaffi Krók á Sauðárkróki þriðjudaginn í kvöld, 2. október kl. 20:00, ásamt þeim Svandísi Svavarsdóttur heilbrigðisráðherra og Guðmundi Inga Guðbrandssyni umhverfisráðherra.

Miðvikudaginn 26. september heimsótti biskup Íslands, frú Agnes M. Sigurðardóttir, Höskuldsstaðakirkju og var með helgistund í kirkjunni. Að henni lokinni var gengið út í elsta hluta kirkjugarðsins þar sem biskup vígði sögutorg sem hlaðið var í sumar. Sögutorgið er hlaðið úr grjóti, klætt utan með grasþökum og hellulagt með náttúrugrjóti.

Ökumenn hafa í dag lent í vandræðum á leið sinni um Öxnadalsheiði en þar er nú frost og snjókoma og vegurinn háll. Vegfarandi á austurleið sagði marga bíla vera stopp við Bakkasel sem kæmust ekki upp brekkuna. A.m.k. einn bíll hafði endað utan vegar í Öxnadalnum. Taldi viðmælandi Feykis bílana eiga það sammerkt að vera enn á sumardekkjum.

Kristinn Kristófersson hefur verið ráðinn til FISK-Seafood. Auk almennra verkefna fyrir félagið mun Kristinn sinna sérstaklega starfsemi fyrirtækisins á Snæfellsnesi. Kristinn býr í Ólafsvík og starfaði áður hjá Deloitte. Sérsvið Kristins eru uppgjör og endurskoðun sjávarútvegsfyrirtækja.