Fréttir

Á Landsmóti skeður fleira heldur en að hestar hlaupi í hringi því sölumennska af ýmsu tagi er einnig stór hluti að stemningunni. Á landsmótinu á Hólum er stórt og mikið sölutjald þar sem fjölmargir aðilar bjóða upp á allskyns varning, mest tengdan hestamennsku en þar er ýmislegt annað.

Feykir sagði frá því í síðustu viku að Svavar Pálsson, sýslumaður á Norðurlandi eystra og settur sýslumaður á Austurlandi, hefði verið ráðinn sveitarstjóri í Húnabyggð. Hann tekur því við sveitastjórakeflinu af Pétri Bergþóri Arasyni sem tók raunar fyrst við sem sveitarstjóri á Blönduósi sem hefur nú sameinast Húnavatnshreppi og síðar Skagabyggð og ber nú nafnið Húnabyggð. Svavar hefur störf þann 1. október næstkomandi en Feykir beið ekki boðanna og lagði nokkrar spurningar fyrir hann.

Tíminn flýgur áfram og árið 2026 þegar ríflega hálfnað. Það styttist því í Unglingalandsmótið sem verður á Króknum um verslunarmannahelgina, dagana 30. júlí til 2. ágúst, og nokkuð er síðan opnað var fyrir skráningu á mótið. Skagfirðingar geta nú átt von á að rekast á eldhressa starfsmenn mótsins, Ómar Braga og Pálínu Hraundal, hvar sem þeir eru staddir og mögulega smitast af íþróttaanda. Feykir spurði út í mótið.

Húnahornið segir frá því að aðalfundur Ámundakinnar ehf. var haldinn 2. júlí sl. í Eyvindarstofu á Blönduósi en félagið stundar útleigu fasteigna og er þátttakandi í rekstri fyrirtækja á starfssvæði sínu. Samkvæmt framlögðum ársreikningi námu rekstrartekjur félagsins í fyrra 229 milljónum króna og hækkuðu um 34% milli ára. Þar af nam söluhagnaður eigna 82 milljónum króna en nam 20 milljónum árið 2024. Rekstrargjöld námu 104 milljónum króna og hækkuðu um 19%.

Fyrrverandi aðstoðarmaður dómsmálaráðherra, Jakob Birgis, þeytist nú um landið með uppistand en ekkert vesen. Hann verður væntanlega í miklu stuði næstu daga þegar hann heimsækir Skagaströnd, Hvammstanga og Krókinn og áður en vikan er úti verður hann búinn að stinga stóru tánni inn í næsta kjördæmi því hann hyggst einnig heimsækja Sigló. Feykir sendi Jakobi nokkrar spurningar í gær sem hann svaraði eftir að hann var búinn að fara út með hundinn.

Nú styttist óðum í Húnavöku 2026 en hún fer fram í Húnabyggð dagana 15.-19. júlí. „Dagskráin er tilbúin og við erum virkilega spennt að taka á móti gestum. Það verður boðið upp á fjölbreytta dagskrá frá miðvikudegi til sunnudags, þar sem allir ættu að geta fundið eitthvað við sitt hæfi,“ segir Kristín Ingibjörg Lárusdóttir viðburðastjóri Húnavökunnar. Feykir lagði nokkrar spurningar fyrir Húnavökustjórann.

Á hestamótum á reglum samkvæmt að skoða búnað bæði manns og hests og á Landsmóti er það að sjálfsögðu gert. Blaðamaður kom við hjá skoðunarmönnum, þeim Mána Hilmarssyni og Unnsteini Grétarssyni, og fékk að fræðast um þeirra störf. Það er járningamannafélag Íslands sem sér um þessi mál á Landsmóti og eru þeir staðsettir sunnan vallar og taka þar á móti keppendum þegar þeir hafa lokið keppni. Það eru fimm kappar sem skiptast á í þessu ábyrgðarmikla starfi.

Björgunarsveitin Skagfirðingasveit var kölluð út á Sauðárkróki síðastliðinn sunnudag, 5. júlí, vegna óvenjulegs atviks við hafnargarðinn. Erlendur ferðamaður hafði fest sig rækilega á milli stórgrýtis í garðinum eftir að hafa reynt að bjarga síma sínum. Þetta var sjötta útkall sveitarinnar það sem af er sumri.

Það er þriðjudagur á Landsmóti á Hólum. A-flokks gæðingar og stóðhestar fljúga um vellina og dómarar eru í góðu skapi, eðlilega. Forkeppnum er að ljúka og við taka milliriðlar þar sem 30 efstu í hverjum flokk fá að spreyta sig einir á vellinum. Sama á við á kynbótavellinum. Þar klárast fordómar í dag og við taka yfirlitssýningar á morgun.

Umsóknarfrestur um stöðu sveitarstjóra Sveitarfélagsins Skagastandar rann út 30. júní síðastliðinn. Á vefsíðu Skagastrandar er sagt frá því að alls bárust 16 umsóknir en tveir umsækjendur drógu umsókn sína til baka. Nú að afloknum sveitarstjórnarkosningum á Norðurlandi vestra hefur verið gengið frá ráðningu sveitarstjóra í þremur af þeim fjórum sveitarfélögum sem eru á svæðinu.