Íþróttir

Lið Tindastóls og Hamars úr Hveragerði mættust tvívegis í Síkinu um helgina í 1. deild kvenna í körfubolta. Það fór svo að lið Tindastóls sigraði í báðum leikjunum og situr nú eitt á toppi deildarinnar, en reyndar búið að spila leik meira en næstu lið fyrir neðan. Fyrri leikurinn gegn Hamri, sem fram fór á laugardag, vannst með sex stiga mun, 78-72, en yfirburðir heimastúlkna voru meiri í síðari leiknum á sunnudeginum sem endaði 78-58.

Ungmennasamband Vestur-Húnvetninga varð Fyrirmyndarhérað ÍSÍ á ársþingi sambandsins sl. vor og í framhaldi af því er stefnt að því að aðildarfélög þess verði Fyrirmyndarfélög. Nú sækist Ungmennafélagið Kormákur á Hvammstanga eftir því að hljóta þá viðurkenningu á næstunni.

Körfuknattleiksmaðurinn og þriggja stiga skyttan hjá Tindastól, Helgi Freyr Margeirsson, hefur lagt keppnisskóna á hilluna eins og fram hefur komið á Feyki.is. Keppnisferillinn spannar 22 ár, lengstum með meistaraflokki Tindastóls en hann var aðeins 14 ára gamall er hann spilaði sinn fyrsta meistaraflokksleik með Stólum tímabilið 1996-1997. Nú er komið að nýjum kafla í lífi Helga þar sem hann helgar sig útbreiðslu íþróttarinnar í Körfuboltaskóla Norðurlands vestra og hafði Feykir samband við kappann og forvitnaðist um sem þá vinnu.

Það er skyldumæting í Síkið á morgun, sunnudaginn 27. október, þegar Stólastelpur mæta Hamarsstelpum frá Hveragerði í sínum fimmta leik í 1. deildinni. Þessi tvö lið mættust í dag í Síkinu og unni Stólastelpur 78-72. Stólastelpur eru þá búnar að vinna þrjá leiki og tapa einum en Hamar er búið að tapa öllum sínum fjórum leikjum. Við hvetjum alla þá sem geta að mæta í Síkið á morgun kl. 13:00 og styðja stelpurnar okkar til sigurs. Áfram Tindastóll.

Það er skyldumæting í Síkið á morgun, laugardaginn 26. október, þegar Stólastelpur mæta Hamarsstelpum frá Hveragerði í sínum fjórða leik í 1. deildinni. Stólastelpur eru búnar að vinna tvo leiki og tapa einum en Hamar er búið að tapa öllum sínum þrem leikjum og er þeim spáð neðsta sæti í deildinni í vetur. Þá spila Stólastelpur aftur við Hamarsstelpur á sunnudaginn kl. 13. Það er því um að gera að fara í Síkið bæði á laugardaginn og sunnudaginn og hvetja stelpurnar okkar áfram til sigurs. Áfram Tindastóll.

Tindastólsmenn máttu bíta í það súra epli að tapa fyrir liði Vals á Hlíðarenda í kvöld eftir sveiflukenndan leik. Stólarnir eiga því ekki að venjast að tapa fyrir Val en Valsmenn hafa ekki í mjög langan tíma teflt fram jafn góðu liði og nú. Eftir flottan fyrri hálfleik Stólanna komu þeir rauðu ákveðnir til leiks í síðari hálfleik og eftir æsispennandi lokamínútur var framlengt. Í framlengingunni gerði Pavel gæfumuninn, setti niður langan þrist þegar tæpar þrjár sekúndur voru eftir, og Stólarnir náðu ekki að kvitta. Lokatölur 95-92.

Baráttujaxlinn í spútnikliði Tindastóls í Inkasso- deildinni í sumar, Vigdís Edda Friðriksdóttir, ætlar að söðla um þar sem hún hefur skrifað undir tveggja ára samning við eitt besta lið Pepsí Max deildarinnar, Breiðablik. Vigdís Edda er fædd árið 1999 og leikur alla jafnan sem miðjumaður.

Tindastóll og Njarðvík mættust í hörkuleik í Síkinu í dag í þriðju umferð 1. deildar kvenna. Liði gestanna var spáð sigri í deildinni af spekingum fyrir mót og því alvöru prófraun fyrir lið Tindastóls sem hafði unnið einn leik en tapað öðrum það sem af var móti. Góð byrjun skóp um tíu stiga forystu sem gestunum gekk illa að vinna upp og Stólastelpur náðu að landa sætum sigri eftir harða atlögu gestanna í lokafjórðungnum. Lokatölur 60-52.

Samkvæmt áreiðanlegum heimildum hefur Knattspyrnudeild Tindastóls samið við þær stöllur, Murielle Tiernan og Jackie Altschuld, um að leika áfram með liði Tindastóls í 1. deildinni næsta sumar. Þetta eru mikil gleðitíðindi fyrir Tindastól en þær voru báðar frábærar nú í sumar og það verður spennandi að fylgjast með Stólastúlkum næsta sumar.

Það verður hart barist í Síkinu á morgun, laugardaginn 19. október, þegar Stólastelpur mæta Njarðvíkingum í sínum þriðja leik í 1. deildinni. Stólastelpur eru búnar að vinna einn leik og tapa einum en stelpurnar í Njarðvík eru búnar að vinna báða sína leiki og er þeim spáð 1. sæti í deildinni í vetur. Það er því um að gera að fara í Síkið á morgun og hvetja stelpurnar áfram til sigurs. Áfram Tindastóll.