Fréttir

Meistaramót Íslands í frjálsum íþróttum fór fram á Laugardalsvellinum í Reykjavík helgina 13.-14. júlí þar sem besta frjálsíþróttafólk landsins, um 200 talsins, keppti um 37 Íslandsmeistaratitla. Átta Skagfirðingar kepptu fyrir hönd UMSS á mótinu. Meðal þeirra voru tveir af Íslandsmeisturum síðasta árs, þeir Jóhann Björn Sigurbjörnsson í 100 m og 200 m hlaupum og Ísak Óli Traustason í 110 m grindahlaupi.

Á fundi í byggðarráði Húnaþings vestra sl. miðvikudag var farið yfir umsóknir í Húnasjóð. Sex umsóknir bárust um styrk úr sjóðnum, þar af fimm sem uppfylltu skilyrði til úthlutunar. Byggðarráð samþykkti að veita eftirtöldum umsækjendum styrk úr Húnasjóði árið 2019:

Það verður talsvert um tuðruspark á Norðurlandi vestra nú um helgina. Stólastúlkur renna á vaðið í kvöld þegar Haukar úr Hafnarfirði mæta á teppið. Á laugardag taka síðan Tindastólsmenn á móti liði Fjarðabyggðar í 2. deild karal og í 4. deildinn fær lið Kormáks/Hvatar Snæfell í heimsókn á Hvammstangavöll. Þannig að það er ljóst að þeim sem eru alltaf í boltanum ætti ekki að þurfa að leiðast.

Þríþraut Ungmennasambands Vestur-Húnvetninga verður haldin á Hvammstanga í dag klukkan 15:00. Þar verður boðið upp á keppni í þríþraut í flokki einstaklings, liða, einstaklings krakka og krakka liða (14 ára og yngri). Liðin mega vera blönduð. Einn syndir, einn hjólar og einn hleypur. Yngri flokkur, 14 ára og yngri, verður ræstur af stað klukkan 15:00 og eldri flokkur (einstaklings og liða) þegar yngri flokkur hefur lokið keppni. Mæting fyrir yngri flokk er klukkan 14:30.

Afli úr húnvetnsku laxveiðiánum er enn tregur þó örlítill kippur hafi orðið síðustu dagana samkvæmt því sem fram kemur á heimasíðu Landssambands veiðifélaga yfir aflahæstu laxveiðiár landsins. Ef litið er á veiðitölur síðustu ára má sjá að veiðin er almennt um helmingi minni en á síðasta ári og sé litið enn lengra aftur er munurinn enn meiri. Nú hefur veiðst 1351 lax í ánum sjö sem á listanum eru, á sama tíma í fyrra voru þeir 2.664 en árið 2017 var veiðin 3.565 laxar.

Kvennasveit Golfklúbbs Sauðárkróks tekur þátt í Íslandsmóti Golfklúbba, 1.deild, sem haldið verður nú um helgina, dagana 26.-28.júlí. Átta sveitir eru í deildinni. Að þessu sinni verður leikið á tveimur völlum og er það nýlunda, hjá Golfklúbbi Kópavogs og Garðabæjar (GKG) og Golfklúbbnum Oddi (GO). 1. deild karla verður einnig leikin samtímis á þessum völlum.

Ásmundur Einar Daðason, félags- og barnamálaráðherra, hefur birt tillögur um breytingar á lögum og reglugerðum til að styrkja húsnæðismarkaðinn á landsbyggðinni og koma þar með til móts við áskoranir sem fjölmörg sveitarfélög standa frammi fyrir í húsnæðismálum.

Matarhátíðin Réttir verður haldin í fyrsta skipti á Norðurlandi vestra dagana 16. – 25. ágúst. Það eru veitingahúsaeigendur og framleiðendur á svæðinu sem standa að hátíðinni.

Nú stendur yfir uppsetning á nýjum flotbryggjum fyrir minni báta í höfninni á Skagaströnd og var lokið við hluta af uppsetningu þeirra í gær. Frágangi vegna framkvæmdanna er enn ekki lokið og hafa bryggjurnar því ekki verið teknar í notkun, en formlega opnun verður tilkynnt síðar. Frá þessu er sagt á vef Sveitarfélagsins Skagastrandar.

Talið er að milli 13 og 17 þúsund lítrar af olíu hafi lekið í jarðveginn þar sem olíubíll frá Olíudreifingu valt út af veginum á Öxnadalsheiði í gær. Olíubíllinn hefur verið fluttur til Reykjavíkur og er, að sögn Harðar Gunnarssonar, framkvæmdastjóra Olíudreifingar, ónýtur.