Fréttir

Framleiðsla nýrra vegabréfa hefst hjá Þjóðskrá Íslands á morgun 1. febrúar en samkvæmt tilkynningu halda eldri vegabréf gildi sínu þar til þau renna út. Handhafar þeirra þurfa því ekki að sækja um ný fyrr en eldri vegabréf eru runnin út. Ný útgáfa vegabréfa hefur verið í undirbúningi síðan 2015. Stofnkostnaður er um 200 milljónir króna og var fjármagnaður af Landamærasjóði ESB, dómsmálaráðuneytinu og Þjóðskrá Íslands.

Sveitarfélagið Skagafjörður hefur sagt upp samningi við Heilbrigðisstofnun Norðurlands um sjúkraflutninga á svæði stofnunarinnar, með árs fyrirvara. Byggðarráð samþykkti uppsögnina með tölvupóstum fyrir 31. desember 2018 en á síðasta sveitarstjórnarfundi kom fram að sveitarfélagið sé reiðbúið til viðræðna um gerð nýs samnings.

Fyrr í kvöld skrifaði Murielle Tiernan, eða bara Murr eins og flestir þekkja hana, undir samning við knattspyrnudeild Tindastóls um að spila með liðinu næsta sumar. Miklar vonir voru bundnar við endurkomu hennar á Krókinn en Murr lék við góðan orðstír með Stólunum síðasta sumar.

Stjórn Brunavarna Austur-Húnavatnssýslu hefur ráðið Ingvar Sigurðsson sem slökkviliðsstjóra Brunavarna Austur-Húnavatnssýslu og mun hann hefja störf, í fullu starfi, eigi síðar en 1. maí 2019. Ingvar er löggiltur slökkviliðs- og sjúkraflutningamaður og hefur starfað í tæp tíu ár sem hlutastarfandi slökkviliðsmaður hjá Brunavörnum Árnessýslu, eða frá árinu 2009, en starfar núna sem einn af fjórum vakthafandi varðstjórum slökkviliðsins og sinnir þar bakvöktum og þjálfun. Einnig hefur hann starfað við sjúkraflutninga hjá HSu á árinu 2015.

Sveitarfélagið Skagaströnd, sem áður hét Höfðahreppur, fagnar 80 ára afmæli um þessar mundir en það var um áramótin 1938-1938 sem Vindhælishreppi hinum forna var skipt upp í þrjú sveitarfélög og var Höfðahreppur eitt þeirra. Hin tvö voru Vindhælishreppur og Skagahreppur. Magnús B. Jónsson, fyrrverandi sveitarstjóri á Skagaströnd, segir frá tildrögunum að skiptingu þessari í fróðlegum pistli á vef Skagastrandar.

Nafn: Regína Valdimarsdóttir. Árgangur: 1986. Starf / nám: Lögfræðingur hjá Íbúðalánasjóði. Hvaða íþróttamanni hefurðu mestar mætur á? Það verður víst að vera Liverpool maður – Mohamed Salah. Hvernig er eggið best? Sunny side up – má ekki sprengja rauðuna!

Nú fer að sjá fyrir endann á óvissu geymsluhúsnæðis sem ætlað er tímabundið undir gripi Byggðasafns Skagafjarðar. Eins og Feykir greindi frá í október kom babb í bátinn með húsnæðið þar sem Safnaráð gerði athugasemd hvað varðar eldvarnir, mögulegt vatnstjón og mengunarhættu, einkum vegna bifreiðaverkstæðis sem staðsett var við hliðina á varðveislurýminu.

Til sjávar og sveita heldur opinn kynningarfund á morgun, fimmtudaginn 31. janúar, kl. 12:00 í húsnæði Farskólans við Faxatorg og eru allir velkomnir til fundarins. Hér er um að ræða viðskiptahraðal sem ætlað er að aðstoða frumkvöðla við að byggja upp næstu kynslóð fyrirtækja sem koma til með að vera í fremsta flokki innan landbúnaðar og sjávarútvegs.

Fyrir um ári síðan sagði Feykir frá ungum tónlistarmanni á Sauðárkróki sem væri að gera góða hluti á netinu, með flutningi laga sinna ekki síst á YouTube rás sinni Ouse. Vinsældir hans hafa aukist svo um munar og lögin hans spiluð svo oft að talið er í miljónum í heildina. Þessi ungi snillingur heitir Ásgeir Bragi Ægisson, Guðbrands Ægis Ásbjörnssonar og Guðbjargar Bjarnadóttur.

Frá árinu 2005 hafa Byggðastofnun, Air Iceland Connect og Listahátíð í Reykjavík veitt viðurkenningu í nafni Eyrarrósarinnar til afburða menningarverkefna utan höfuðborgarsvæðisins. Eyrarrósinni er ætlað að beina sjónum að og hvetja til menningarlegrar fjölbreytni, nýsköpunar og uppbyggingar á sviði menningar og lista. Alls bárust 30 umsóknir um Eyrarrósina 2019 hvaðanæva af landinu en sex þeirra hafa nú verið valin á Eyrarrósarlistann og eiga þar með möguleika á að hljóta tilnefningu til sjálfra verðlaunanna í ár.