Fréttir

Nú fer veiði senn að ljúka í laxveiðiám landsins og nú þegar hafa nokkrar ár skilað inn lokatölum. Sem fyrr er veiðin mun tregari í sumar en undanfarið í flestum húnvetnsku ánum en þó hafa Laxá á Ásum og Hrútafjarðará/Síká skilað fleiri löxum nú en allt sumarið í fyrra.

Á morgun, laugardaginn 21. september, mun Fjölbrautaskóli Norðurlands vestra halda upp á 40 ára afmæli skólans. Af því tilefni eru allir velunnarar skólans boðnir velkomnir til afmælisdagskrár sem hefst á sal Bóknámshúss skólans kl. 13:00. Að lokinni dagskrá verður boðið upp á opið hús í öllu húsnæði skólans kl. 14:00-15:30.

Í tilkynningu á vef Vegagerðarinnar kemur fram að Vatns­dals­vegi hef­ur verið lokað við bæ­inn Hjalla­land vegna vatna­vaxta. Á vefnum kemur fram að skemmd­ir vegna vatna­vaxta séu all­víða, ekki síst á Vest­fjörðum og Vest­ur­landi.

Nýlega voru tilboð opnuð í lagningu ljósleiðara um Vatnsnes og Vesturhóp. Tíu aðilar sóttu útboðsgögn og skiluðu sjö inn tilboðum. Á fundi veituráðs Húnaþings vestra þann 17. september sl. var lagt til að gengið verði til samninga við Vinnuvélar Símonar ehf. á Sauðárkróki sem áttu lægsta tilboð í bæði verkin.

Brunavarnaáætlun Brunavarna Skagafjarðar var undirrituð í gær á slökkvistöðinni Sauðárkróki en hún hefur verið í vinnslu um allnokkurt skeið. Brunavarnaáætlun leggur til upplýsingar um hvernig slökkviliðið er mannað, skipulagt, útbúið tækjum, menntað og þjálfað til að takast á við þau verkefni sem því eru falin í sveitarfélaginu.

Síðasta umferðin í Inkasso-deild kvenna fer fram í kvöld og ef blaðamanni skjátlast ekki þá er þetta í fyrsta sinn í sögu Tindastóls sem meistaraflokkslið félagsins á möguleika á að tryggja sér sæti í efstu deild í lokaumferð Íslandsmótsins. Leikurinn fer fram á gervigrasinu á Króknum, hefst kl. 19:15, og eru stuðningsmenn Stólastúlkna hvattir til að fjölmenna. Frítt er á völlinn í boði Þórðar Hansen ehf.

Í dag er ungu fólki mismunað eftir því hvenær á árinu það er fætt. Ungu fólki sem fylgst hefur að í gegnum grunnskóla, tekið þátt í félagsstarfi saman og eru álitnir jafningar í augum samfélagsins. Mismununin fellst í því að veita kosningarétt miðað við afmælisdag en ekki við ár. Ef að einstaklingar eru taldir jafnir í samfélaginu, af hverju eru þeir það ekki þegar kemur að því að kjósa fulltrúa þeirra í lýðræðislegum kosningum?

Stefán Vagn Stefánsson, yfirlögregluþjónn hjá embætti Lögreglunnar á Norðurlandi vestra skrifar í færslu á Facebooksíðu sinni um mál sem er í gangi og hefur verið síðan síðasta vetur er varðar kvörtun manns sem heimsótti hann á lögreglustöðina á Sauðárkróki. Eftir nokkurt þref þeirra á milli yfirgaf maðurinn skrifstofuna mjög ósáttur. Í kjölfarið barst erindi frá nefnd um eftirlit um störf lögreglu þar sem fram kom að kvörtun hafi borist frá manninum þess efnis að Stefán Vagn væri að misnota aðstöðu sína á lögreglustöðinni til að ræða málefni sveitarfélagsins og embættið beðið um afstöðu til kvörtunarinnar. Lesa má úr færslu Stefáns, þar sem fjölmiðlafólk sé farið að spyrjast fyrir um málið, að einhver tenging sé við mál embættis Ríkislögreglustjóra sem verið hefur í fréttum undanfarið.

Selasetur Íslands hefur hlotið tilnefningu til Destination of Sustainable Cultural Tourism Evrópuverðlaunanna 2019. Verðlaunahafar verða kynntir á European Cultural Tourism Network (ECTN) verðlaunahátíðinni í Granada á Spáni þann 24. október 2019. Athöfnin fer fram á árlegri ráðstefnu ECTN sem fer fram í Granada þann 24.-26. október 2019 á Museo Memoria de Andalucía safninu.

Dagur íslenskrar náttúru var haldinn hátíðlegur sl. mánudag, 16. september, og af því tilefni voru einstaklingar, skólar, stofnanir, fyrirtæki og félagasamtök hvött til að hafa daginn í huga í starfsemi sinni. Í tilefni dagsins vörðu allir nemendur Höfðaskóla á Skagaströnd tíma úti við og unnu verkefni af ýmsum toga. Nemendur unglingastigs tóku sig til og tíndu rusl í nágrenni skólans.