Fréttir

„Við þökkum áskorunina frá Elísabetu og Hlyn og langar okkur að deila með ykkur uppskrift af grilluðu lambafille með fitu borið fram með piparostasósu, grilluðu grænmeti og bökuðum kartöflum,“ sögðu Ómar Eyjólfsson og Ragnheiður Rún Sveinbjörnsdóttir, en þau voru matgæðingar Feykis í 40. tbl. ársins 2016.

Ferðaþjónusta er vaxandi atvinnugrein á Norðurlandi vestra, líkt og í öðrum landshlutum. Mikilvægi uppbyggingar þessarar atvinnugreinar er óumdeilt, ekki síst í dreifbýlinu, en þar á atvinnulíf í dag undir högg að sækja vegna erfiðar stöðu í lykilatvinnugrein, þ.e. sauðfjárræktinni. Sveitir Norðurlands vestra hafa upp á ótal margt að bjóða. Ótal náttúruvætti er þar að finna og sögustaðir liggja við hvert fótmál. Í þessu felast mörg tækifæri fyrir frekari uppbyggingu þjónustu. Eitt þessara tækifæra er undirritaðri sérstaklega hugleikið, en það er uppbygging þjónustu við áhugafólk um sögu Agnesar Magnúsdóttur.

Uppskeruhátíð ferðaþjónustunnar á Norðurlandi fór fram í gær í Húnaþingi vestra og óhætt er að segja að hún hafi verið frábær. Húnvetningar tóku vel á móti kollegum sínum í ferðaþjónustu og farið var í heimsóknir til ýmissa fyrirtækja á svæðinu og nýr útsýnispallur við Kolugljúfur var sömuleiðis skoðaður. Um kvöldið var svo haldin vegleg veisla í veislusalnum á Hótel Laugarbakka, þar sem dansinn dunaði fram eftir nóttu. Venju samkvæmt voru þrjár viðurkenningar veittar, Sproti ársins, Fyrirtæki ársins og viðurkenning fyrir störf í þágu ferðaþjónustunnar.

Á fundi sveitarstjórnar Sveitarfélagins Skagafjarðar voru helstu niðurstöður fjárhagsáætlunar hjá sveitarfélaginu kynntar fyrir árið 2019. Samkvæmt þeim má gera ráð fyrir að rekstrartekjur nemi 5.331 m.kr. hjá samstæðunni í heild, A- og B-hluta, þar af eru rekstrartekjur A-hluta áætlaðar 4.695 m.kr.

Íslenskir ostadagar standa núna yfir á veitingastöðum hringinn í kringum Ísland þar sem fagnað er fjölbreytileika íslenskra osta undir heitinu Ostóber. KKrestaurant tekur þátt á Sauðárkróki og býður uppá sérrétti með íslenskum ostum á matseðlinum frá og með morgundeginum 20. október. Verður meðal annars í boði Stóri Dímon með karmelliseruðum hnetum og Gull Tindur.

Í gær var fyrsti símalausi dagurinn í Grunnskóla Húnaþings vestra og tókst hann vel eftir því sem kemur fram á heimasíðu skólans. Þar segir að greinilegt hafi verið í samtölum við nemendur og í fasi þeirra að þessi breyting reynist sumum erfið enda margir vanir að skilja símann aldrei við sig en tekið er fram að nemendur eigi hrós skilið fyrir góðar undirtektir.

Tindastóll og Haukar mættust í Síkinu í kvöld í 3. umferð Dominos-deildarinnar. Venju samkvæmt mættu Ívar Ásgríms og undirsátar grjótharðir til leiks og gáfu Stólunum leik en frábær vörn Tindastóls í þriðja leikhluta gaf þægilegar körfur og heimamenn komu sér í frábæra stöðu sem gestirnir náðu ekki að vinna á. Lokatölur 79-61.

Langþráðum áfanga er náð hjá Skagfirðingum því rennibrautin í sundlauginni í Varmahlíð er komin í gagnið og öllum opin frá klukkan 17:00 í dag, fimmtudag. Hér er um fyrstu alvöru rennibraut að ræða í héraðinu þrátt fyrir fjölda sundlauga víðs vegar um fjörðinn.

Vegna góðrar aðsóknar hefur Leikfélag Sauðárkróks ákveðið að henda í tvær aukasýningar á Ævintýrabókinni eftir Pétur Eggerz. Búið er að sýna átta sýningar og verður sú 9. á morgun föstudag 19.október klukkan 18:00. Seinni aukasýningin verður sunnudaginn 21. október klukkan 15 og hefur hún verið auglýst sem allra síðasta sýning svo það er um að gera að panta miða í tíma.

N4 fór í Tindastólinn á dögunum og ræddi við Viggó Jónsson um nýju skíðalyftuna sem liggur alla leið upp á topp Tindastóls. Eins og sést á meðfylgjandi myndbandi blasir útsýnið yfir fjörðinn fagra og jafnvel yfir í næstu sýslur. Skíðaleiðirnar sem hægt verður að renna sér eftir geta orðið fjölmargar í framtíðinni og mikil eftirvænting hjá skíðafólki.