Fréttir

Í forsíðufrétt Stundarinnar stígur fjöldi kvenna fram og segir frá kynferðislegu ofbeldi og kynferðislegri áreitni sem þær urðu fyrir af hendi fyrrverandi starfsmanns og leikmanns knattspyrnudeildar félagsins. Kemur þessi frétt í kjölfar #MeToo umræðunnar þar sem konur í fjölmörgum greinum stigu fram og sögðu frá sinni reynslu af kynferðislegri áreitni, kynferðislegu ofbeldi, þöggun og lítilsvirðingu. Konur í íþróttum voru þar á meðal og áttu sumar af þeim sögum sem nístu hjartað hvað mest. Þessar frásagnir kvennanna í Stundinni gerðu það einnig.

Fréttablaðið Stundin greinir frá því að fjöldi stúlkna á Sauðárkróki hafi orðið fyrir kynferðislegri áreitni af hendi ungs manns af staðnum og tvær þeirra hafi kært hann fyrir nauðgun. Málin voru látin niður falla þar sem þau þóttu ekki líkleg til sakfellingar. Mál stúlknanna er reifað í ítarlegri grein á Stundinni og því lýst hvernig fólk upplifði þöggun og meðvirkni samfélagsins með gerendanum og hvernig kerfið brást þeim í þeirra erfiðu málum.

Aðalfundur Ferðamálasamtaka Norðurlands vestra verður haldinn á Hótel Blöndu á Blönduósi miðvikudaginn 28. febrúar og hefst hann klukkan 15:00. Dagskrá fundarins hefst með venjulegum aðalfundarstörfum en að þeim loknum verða fluttir fyrirlestrar og í framhaldi af þeim verða pallborðsumræður um málefnin.

Í kvöld mun Dominos-deildar lið Tindastóls í körfubolta heimsækja Hvammstanga og halda þar æfingu á nýja parketinu í íþróttahúsinu. Æfingin fer fram fyrir opnu húsi og eru allir áhugasamir á svæðinu hvattir til að mæta og verða vitni af því hvernig Maltbikarmeistararnir æfa.

Ísmótið Svínavatn 2018 verður haldið laugardaginn 3. mars. Í fréttatilkynningu frá hestamannafélaginu Neista segir að ísinn sé afbragðs góður og að vel líti út með veður og færi.

Pétur Rúnar Birgisson, 22 ára leikmaður Tindastóls, lék sína fyrstu landsleiki nú um helgina þegar Ísland gerði sér lítið fyrir og lagði sterk landslið Finna og Tékka í frábærum og æsispennandi landsleikjum í Laugardalshöllinni. Pétur kom ekkert við sögu í fyrri leiknum gegn Finnum en hann fékk að láta til sín taka í naglbít gegn Tékkum í gær og stóð sig með mikilli prýði.

Handavinnukonan Hlíf Sumarrós Hreinsdóttir á Sauðárkróki sagði frá broti af handavinnunni sinni í þættinum Hvað ertu með á prjónunum? í 30. tölublaði Feykis 2017. Hún hefur verið afkastamikil handverkskona, allt frá því hún prjónaði fyrsta skylduverkið sitt í barnaskóla og um fermingu tók hún þá ákvörðun að sauma á sig íslenskan búning fyrir fimmtugt. Hún stóð við það og á sjáum við afraksturinn á einni myndanna sem fylgja.

Matgæðingar vikunnar í 7. tölublaði Feykis árið 2016 voru bændurnir Guðrún Eik Skúladóttir og Óskar Már Jónsson á Tannstaðabakka í Hrútafirði sem buðu upp á Tex Mex hakkrétt í aðalrétt og skyrköku í eftirrétt. „Skyrtertan er tilvalin fyrir tímanauma bændur að útbúa og hakkrétturinn slær alltaf í gegn,“ segir Guðrún.

Þingmaðurinn Haraldur Benediktsson Haraldur Benediktsson oddviti Sjálfstæðisflokksins í Norðvesturkjördæmi er búfræðingur og bóndi á Vestri-Reyni í Hvalfjarðarsveit. Hann er kvæntur Lilju Guðrúnu Eyþórsdóttur og eiga þau þrjú börn. Ásamt því að starfa við búskap gegndi Haraldur formennsku í Bændasamtökunum Ísland í níu ár áður en þingmennskan kallaði. Haraldur segir að áhugi hans á pólitík hafi kviknað árið 1978 við alþingiskosningar sem þá fóru fram en árið 2013 settist hann fyrst á þing. Haraldur er þingmaður Feykis að þessu sinni.

Nemendur Grunnskólans austa Vatna hafa haft í nógu að snúast síðustu dagana en þessa viku hafa nemendur frá öllum starfsstöðvunum þremur verið samankomnir í skólanum á Hofsósi og unnið saman í nýsköpunarvinnu. Inn á milli hafa þeir svo rétt úr sér og skellt sér á dansnámskeið hjá Ingunni danskennara sem kennir þeim vínarkrus og vals og ræl í bland við nýrri spor. Leikskólabörnin á Tröllaborg fengu líka danskennslu og sýndu frábæra takta eins og hinir eldri á danssýningu í Höfðaborg í gær. Við sama tækifæri var foreldrum og öðrum áhugasömum boðið að sjá afrakstur nýsköpunarnámsins hjá krökkunum.