Fréttir

Með stolti og gleði bjóða Skagfirðingar Landsmót hestamanna 2016 velkomið heim að Hólum. Skagafjarðarsýsla keypti Hóla 1881 og stofnaði þar bændaskóla á hinu forna biskups- og menntasetri Norðlendinga um aldir. Fyrir mig sjálfan er þessi stóratburður, Landsmót hestamanna heima á Hólum einkar ánægjulegur.

Síðustu ár hafa verið umhleypingasöm í stjórnmálasögu Íslands og óhætt að segja að pólitíska landslagið sé gjörólíkt því sem áður var. Gunnar Bragi Sveinsson hefur verið í þungamiðju þessara breytinga frá því hann settist á þing fyrir Norðvesturkjördæmi árið 2009 og hefur síðan þá gegnt tveimur ráðherraembættum.

Egill Már Þórsson og Saga frá Skriðu laumuðu sér í efsta sætið í milliriðlum unglingaflokks á Landsmóti hestamanna í dag. Þau koma því efst inn í A-úrslitin með 8,66.

Þann 23. júní síðastliðinn fékk Krabbameinsfélag Skagafjarðar veglega peningagjöf frá hjónunum í Garðakoti, þeim Pálma Ragnarssyni og Ásu Sigurrósu Jakobsdóttur.

Dagmar Öder Einarsdóttir á Glóeyju frá Halakoti og Gústaf Ásgeir Hinriksson á Pósti frá Litla-Dal eru efst og jöfn með 8,66 eftir milliriðla í ungmennaflokki á Landsmóti hestamanna. Keppnin fór fram í gær en B-úrslit ungmenna hefjast kl. 15 á morgun föstudag og A-úrslit ungmenna kl. 9 á laugardagsmorgun.

„Skjótt skipast veður í lofti,“ segir máltækið og það á svo sannarlega við í Skagafirði þessa dagana. Eflaust hafa einhverjir verið uggandi um hvernig viðra myndi á landsmótsgesti á Hólum eftir rigningu og kulda á þriðjudaginn.

Júlía Kristín Pálsdóttir á Kjarval frá Blönduósi er efst inn í A-úrslit í barnaflokki á Landsmóti hestamanna, að loknum milliriðlum í gær. Hlutu þau 8,82 í einkunn. Næstar á eftir fylgja þær Glódís Líf Gunnarsdóttir á Magna frá Spágilsstöðum og Védís Huld Sigurðardóttur á Baldvin frá Stangarholti.

Íbúar á Reykjaströnd í Skagafirði hafa farið þess á leit við Sveitarfélagið Skagafjörð að það beiti sér fyrir nauðsynlegum úrbótum á Reykjaströndinni. Í bréfi, dagsett 10. júní, sem tekið var fyrir á fundi byggðarráðs þann 23. júní sl. er talin upp forgangsröðun á uppbyggingu samgöngumannvirkja, snjómokstri, sorphirðu, lækkun kyndingarkostnaðar með hitaveituvæðingu, þriggja fasa rafmagni, síma og nettengingar.

SAH afurðir á Blönduósi hyggjast koma upp búnaði til eyðingar á áhættuvefjum úr sláturdýrum við sláturhúsið á Blönduósi. Gert er ráð fyrir að hægt yrði að brenna allt að 250 tonnum af úrgangi á ári.

Skipulagslýsing vegna fyrirhugaðs deiliskipulags fyrir Flæðar og íþróttasvæði við Skagfirðingabraut á Sauðárkróki var samþykkt á fundi sveitarstjórnar Sveitarfélagsins Skagafjarðar í gær.