Fréttir

Himininn var einstaklega fagur síðastliðið fimmtudagskvöld, stjörnubjartur og baðaður skærgrænum norðurljósum. Þorgrímur Ómar Tavsen smellti af nokkrum gullfallegum myndum á Hofsósi og fékk Feyki til birtingar.

Í tilefni af því að þann 17. janúar eru liðin 100 ár frá fæðingu Guðrúnar Jónsdóttur (Nunnu) frá Hnjúki komu afkomendur hennar saman og heimsóttu m.a. Heimilisiðnaðarsafnið á Blönduósi. Á vef Heimilisiðnaðarsafnsins segir að í safninu séu margir munir varðveittir eftir þær mæðgur Stefaníu Steinunni Jósefsdóttur (1886–1977) og Guðrúnu Jónsdóttur (1916–2014).

Stjórn Menningarsjóðs KS hefur tekið þá ákvörðun að stofna til sérstaks framlags til kaupa á listaverkum sem tengjast Skagafirði, eftir listamenn sem eru frá Skagafirði eða tengdir firðinum á einhvern hátt. Kaupfélagið hefur keypt nokkur verk í gegnum tíðina, m.a. eftir Jóhannes Geir, Elías, Sossu o.fl. og segir Marteinn Jónsson, framkvæmdastjóri þróunarsviðs KS, áhuga hjá félaginu að eignast fleiri verk.

Söngvarakeppni Grunnskóla Húnaþings vestra haldin síðastliðinn laugardag, þann 16. janúar. Samkvæmt Facebook-síðu Grunnskóla Húnaþings vestra var flott frammistaða hjá öllum keppendum.

Á Ströndum og Norðurlandi vestra er hæg suðaustlæg eða breytileg átt og léttskýjað að mestu. Frost 3 til 14 stig, kaldast inn til landsins. Hálka er á velflestum vegum á Norðurlandi. Þá má búast við umferðatöfum í Strákagöngum vegna vinnu við endurbætur á rafkerfi. Vegfarendur eru beðnir að sýna tillitssemi og virða hraðatakmarkanir.

Á föstudagskvöld fór fram úrtaka fyrir KS-Deildina 2016. Fjögur lið voru skráð til leiks og keppt var í fjórgangi og fimmgangi og tóku tveir knapar úr hverju liði þátt í hvorri grein. Búið var að auglýsa eitt laust sæti í deildinni en ákvað stjórn KS-Deildarinnar að bjóða tveimur stigahæstu liðunum þátttöku eftir kvöldið.

Starfs- og heimilisfólki dvalarheimilisins á Sauðárkróki hrintu af stað söfnun fyrir nýju hjóli. Ekki er um hefðbundið reiðhjól að ræða heldur rafknúið hjól sem tekur farþega. Flytja þarf hjólið inn frá Danmörku og er það væntanlegt til Íslands í mars- eða aprílmánuði en því fylgir mikill kostnaður.

Stjarnan og Tindastóll mættust í spennandi körfuboltaleik í Garðabænum síðastliðið föstudagskvöld. Sóknarleikur Stólanna var varla til staðar í fyrri hálfleik en í þeim síðari létu þeir sverfa til stáls en boltinn fell betur fyrir Garðbæinga á lokamínútunum og þurftu Tindastólsmenn því að hverfa stigalausir úr svefnbænum. Lokatölur 81-76.

Einstaklega fallegt og dulmagnað veður var í Skagafirði sl. fimmtudag. Fjörðurinn var sveipaður frostþoku mestallan daginn en inn á milli létti til og þá skein vetursólin yfir fagurt landslagið sem var hulið nýföllnum snjó.

Ný samþykkt um búfjárhald í þéttbýli í Sveitarfélaginu Skagafirði sem samþykkt var samhljóða á sveitarstjórnarfundi þann 14. október 2015 hefur tekið gildi. Á vef Svf. Skagafjarðar segir að þeir sem eiga, eða hafa í umsjón sinni búfé, skulu hafa sótt um búfjárleyfi fyrir 1. apríl 2016. Umsóknum skal skila í móttöku Ráðhússins.