Fréttir

Landssamband slökkviliðs- og sjúkraflutningamanna er í eldvarnaátaki um þessar mundir í samstarfi við öll slökkvilið landsins. Þá heimsækja slökkviliðin öll börn í 3. bekk og fræða þau um eldvarnir heimilanna og eru slökkviliðsmenn frá Brunavörnum Skagafjarðar búnir að heimsækja alla skólana í Skagafirði.

Tindastóll tók á móti toppliði Keflvíkur í Dominos-deildinni í körfubolta í kvöld og það var heldur betur fjör í sjóðheitu Síkinu. Slenið sem hefur legið eins og mara yfir leikmönnum Stólanna í haust var á bak og burt og nú kannaðist maður aftur við baráttuna og leikgleðina sem einkenndi liðið síðasta vetur. Keflvíkingar voru reyndar fullir af sjálfstrausti og spiluðu á köflum glimrandi körfubolta en í kvöld voru það heimamenn í Tindastóli sem bitu betur á jaxlinn þegar mestu máli skipti. Lokatölur 97-91.

Rótarýfélagar í Rótarýklúbbi Sauðárkróks munu nk. laugardag bjóða til Jólahlaðborðs í íþróttahúsinu á Sauðárkróki. Þetta er í þriðja sinn sem ráðist er í þetta verkefni sem hefur notið mikilla vinsælda og vakið athygli víða um land og erlendis.

Jólablað Feykis er komið út. Blaðið er 44 litprentaðar síður og er því dreift ókeypis inn á öll heimili á Norðurlandi vestra. Efni blaðsins er að vanda fjölbreytt og komið víða við. Forsíðumynd blaðsins er eftir Gunnhildi Gísladóttur ljósmyndara.

Samkvæmt vef Vegagerðarinnar er á þjóðvegi 1 í Húnaþingi vestra að Staðarskála og áfram yfir Holtavörðuheiði, á Vatnsskarði og Öxnadalsheiði. Þá eru hálkublettir á Þverárfjalli og víða í Húnavatnssýslum. Aðrar leiðir í Skagafirði og á Skaga eru greiðfærar.

Skólamanninn Sölva Sveinsson kannast eflaust flestir við en hann er cand. mag. í sagnfræði og hefur lengst af starfað við kennslu og skólastjórnun, ásamt ritstörfum, fæddur árið 1950, alinn upp á Króknum, aðallega í fjörunni segir hann.

Samkvæmt frétt á vef Húnahornsins í síðustu viku áformar Vegagerðin að lagfæra og bæta þjóðveginn í gegnum Blönduós og Blöndubrú. Endurnýja á gólf brúarinnar og setja á hana nýtt handrið. Áætlaður kostnaður nemur um 30 milljónum króna.

Skagfirðingarnir Ellert Heiðar Jóhannsson og Sigvaldi Helgi Gunnarsson taka þátt í undanúrslitum The VoiceÍsland í beinni útsendingu annað kvöld.

Hæsta viðbúnaðarstig hefur verið gildandi í Belgíu vegna hryðjuverkaógnar sem hefur vofað yfir í höfuðborginni Brussel undanfarna daga. Víðfeðm leit hefur farið fram af hryðjuverkmanninum, Saleh Abdeslam, sem tók þátt í hryðjuverkaárásinni í París þann 13. þessa mánaðar, en án árangurs. Skagfirðingarnir Guðrún Rögnvaldardóttir og Hildur Þóra Magnúsdóttir hafa verið í Brussel undanfarna daga og lýsa spennu þrungnu andrúmsloftinu þar fyrir Feyki.

Á sunnudaginn var haldin í Miðgarði söngskemmtun sem bara yfirskriftina „Frá Ara til Aladdin – barnalög fyrir alla fjölskylduna.“ Þar komu fram ýmsir skagfirskir söngvarar og sungu vinsæl barnalög frá ýmsum tímum, við góðar undirtektir rúmlega 250 gesta á ýmsum aldri.