Fréttir

Sveitarstjórnum og öðrum íbúum Skagafjarðar var á dögunum kynnt með auglýsingu í héraðsmiðlum að Læknavaktin ehf í Reykjavík myndi frá 1. september taka við allri síma- og vaktþjónustu utan dagtíma vegna heilbrigðisþjónustu í Skagafirði. Á sama tíma mátti lesa viðtöl í fjölmiðlum við forsvarsmenn þessarar einkareknu heilbrigðisþjónustu á höfuðborgarsvæðinu, þar sem greina mátti mikla ánægju með ný verkefni fyrirtækisins sem kölluðu á ráðningu fleiri hjúkrunarfræðinga til að sinna þeim.

Veiðar hafa gengið ágætlega á Húnaflóa í sumar. Undanfarna daga hefur verið sérstaklega mikið um að vera á höfninni á Skagaströnd, eins og sagt er frá á vef Skagastrandar.

Nafn: Ásta Björg Pálmadóttir. Árgangur: 1964. Fjölskylduhagir: Gift Þór Jónssyni og eigum við þrjú börn, Svölu, Helgu og Pálma. Búseta: Sauðárkrókur. Hverra manna ertu og hvar upp alin/n: Dóttir Svölu Jónsdóttur frá Molastöðum og Pálma Friðrikssonar frá Svaðastöðum. Ég er alin upp í Grundarfirði að 6 ára aldri og á Sauðárkróki eftir það.

Norðurlandsmótaröð barna og unglinga er lokið þetta sumarið. Lokamótið fór fram á Akureyri laugardaginn 29.ágúst sl. á Jaðarsvelli. Um 50 þátttakendur voru á mótinu af öllu Norðurlandi í öllum flokkum og átti Golfklúbbur Sauðárkróks 14 þeirra.

Opna Advania mótið fór fram laugardaginn 5.september í sunnan golu og ágætis hita. Spilaður var 18 holu betri bolti sem er liðakeppni þar sem tveir eru saman í liði og betra skorið á holunni er talið til punkta. Keppendur á mótinu voru 32 og var keppnin mjög jöfn.

Ein af stærstu réttahelgum ársins er framundan. Líkt og um síðustu helgi verða víða réttir á Norðurlandi vestra. Eftirfarandi upplýsingar eru af lista sem Feykir tók saman, samkvæmt upplýsingum frá sveitarfélögunum:

Á vef Byggðasafns Skagfirðinga kemur fram að miklar annir hafa verið hjá starfsmönnum safnsins í allt sumar, bæði við fornleifarannsóknir og gestamóttökur. Þann 31. ágúst hafði verið tekið á móti samtals 39.218 gestum, 2.279 í Minjahúsinu og 36.939 í Glaumbæ.

Umhverfisviðurkenningar Sveitarfélagsins Skagafjarðar fyrir árið 2015 voru afhentar í 11. sinn að Löngumýri síðastliðinn þriðjudag. Að þessu sinni voru veittar sex viðurkenningar en Soroptimistaklúbbur Skagafjarðar stendur að framkvæmdinni fyrir hönd Svf. Skagafjarðar.

Í frumvarpi til fjárlaga 2016 leitar utanríkisráðherra eftir 26 milljóna króna framlagi til að opna starfsstöð á landsbyggðinni til að sinna skjalavörslu fyrir sendiskrifstofur.

Gunnar Rögnvaldsson sendi Feyki þessa myndasyrpu úr göngum og réttum á Skaga. Við leyfum okkur að vitna í skemmtilega fésbókarfærslu Gunnars: „Gangnamenn í útheiði hittust heldur seinna en venjulega á Hraunsselinu gangnadagsmorgunn og stóð á endum að úrfelli næturinnar var þess vegna að mestu liði hjá.“