Íþróttir

Það náðist að ljúka um það bil 20 umferðum í 3. deild karla í knattspyrnu í sumar og haust. Niðurstaðan eftir að KSÍ flautaði mótið af er sú að lið KV og Reynis Sandgerði fara upp í 2. deild en Álftanes og Vængir Júpiters falla í 4. deild. Tindastóll endaði hins vegar í sjöunda sæti með 25 stig, vann sex leiki, gerði sjö jafntefli og tapaði sjö leikjum. Í hlaðvarpsþættinum Ástríðunni var lið sumarsins valið.

Knattspyrnukappinn snyrtilegi, Óskar Smári Haraldsson frá Brautarholti í Skagafirði, gerði á dögunum 2. flokk kvenna hjá Stjörnunni að Íslandsmeisturum. Kappinn hefur spilað með liði Tindastóls í 3. deildinni í sumar en gert út frá Garðabænum. Óskar Smári segist gríðarlega stoltur af árangrinum en hann er aðalþjálfari 2. flokks kvenna en einnig er hann aðstoðarþjálfari í meistaraflokki kvenna hjá Stjörnunni sem er með lið í Pepsi Max deildinni.

Hrútfirðingurinn Salbjörg Ragna Sævarsdóttir hefur verið boðuð í landslið kvenna í körfuknattleik en framundan er landsleikjagluggi hjá liðinu sem er liður í undankeppni EM, EuroBasket Women’s 2021. Kemur Salbjörg inn fyrir Hildi Björgu Kjartansdóttur, Val, sem ennþá er meidd og verður ekki leikfær þegar haldið verður út.

Fótboltakempur máttu loks lúta í gras fyrir kórónuveirufaraldrinum en Knattspyrnusamband Íslands ákvað á föstudaginn, í kjölfar hertra aðgerða í baráttunni við COVID-19, að nú væri nóg komið og augljóst að ekki væri raunhæfur möguleiki lengur á að klára knattspyrnutímabilið.

1238, Grána og Sauðárkróksbakarí buðu í gærkvöldi stúlkunum sem skipa lið Lengjudeildarmeistara Tindastóls tilveislu í Gránu á Sauðárkróki. Boðið var upp á bragðmikla Mexíkóveislu, leiki í sýndarveruleika og köku ársins í eftirrétt, en frá þessu er greint á Facebook-síðu 1238.

Fyrir um hálfum mánuði kom út Feykisblað sem að mestu var tileinkað frábærum árangri kvennaliðs Tindastóls í sumar og sögu kvennaboltans á Króknum. Nú er fylgiblaðið komið á netið og hægt að fletta því stafrænt.

Feykir bar nokkrar spurningar undir Rúnar Rúnarsson, formann knattspyrnudeildar Tindastóls, í kjölfar þess að KSÍ ákvað að klára Íslandsmótið í knattspyrnu. Hann er á þeirri skoðun að það hefði átt að fluta það af, allavegana í neðri deildum. „Ég geri mér grein fyrir því sem liggur undir í Pepsi Max deildunum varðandi Evrópusæti en það eru miklir peningar sem liggja þar,“ segir Rúnar.

Sveitarstjórn Sveitarfélagsins Skagafjarðar samþykkti á fundi sínum í gær að styrkja knattspyrnudeild Ungmennafélagsins Tindastóls um 1.700.000 kr. vegna framúrskarandi árangurs meistaraflokks kvenna þar sem liðið varð deildarmeistari í 1. deild og mun leika í efstu deild á næsta keppnistímabili.

Þá hefur KSÍ sett upp leikjaplan fyrir lokaumferðir Íslandsmótsins í knattspyrnu sem stefnt er á að fram fari í nóvember. Síðasta umferðin í Pepsi Max deild karla á að fara fram 30. nóvember en fjórum umferðum er ólokið í þeirri deild. Áætlað er að Stólastúlkur spili síðasta leik sinn í Lengjudeildinni sunnudaginn 8. nóvember kl. 14:00 á Króknum en Stólapiltar spila í 3. deildinni á Vopnafirði 7. nóvember og gegn Sandgerðingum hér heima laugardaginn 14. nóvember.

Í gær ákvað Knattspyrnusamband Íslands að keppni í Íslandsmótum meistaraflokksliða yrði haldið áfram í nóvember, svo lengi sem grænt ljós verði gefið á knattspyrnuiðkun í kjölfar þriðju COVID-bylgjunnar. Segja má að ákvörðunin hafi komið á óvart en eftir því sem Feykir hafði hlerað þóttu meiri lýkur en minni á að mótið yrði flautað af. Kvennalið Tindastóls á því einn heimaleik eftir og ætti þá að geta tekið á móti bikarnum góða eftir nokkra bið. Það er hins vegar verra ástandið á körlunum, sem eiga eftir að spila tvo leiki, þar sem mikið hefur kvarnast úr hópnum og erlendir leikmenn horfið á braut.