Íþróttir

Helgi Freyr Margeirsson mun koma inn í þjálfarateymi meistaraflokks Tindastóls í körfubolta næsta tímabil. Aðspurður sagðist hann ekki endilega vera hættur að spila og verði líklega spilandi aðstoðarþjálfari a.m.k. fyrst um sinn. „Ég ætla bara að sjá til. Ef ég get hjálpað liðinu eitthvað með því að leika einhverjar mínútur geri ég það. Annars kemur það allt í ljós næsta vetur,“ segir hann. Feykir henti nokkrum spurningum á Helga.

Helgi Freyr Margeirsson, nýráðinn aðstoðarþjálfari Tindastóls, ætlar ekki að sitja auðum höndum fram að næsta tímabili því hann er að setja upp körfuboltanámskeið á Blönduósi laugardaginn 26. maí næstkomandi fyrir 12-16 ára krakka frá klukkan 11-14. Námskeiðið er sérstaklega miðað að krökkum sem búa á svæðinu frá Skagaströnd að Hvammstanga.

Kormákur/Hvöt lék sinn fyrsta leik í D riðli 4. deildar í knattspyrnu sl. laugardag gegn Vatnaliljum úr Kópavogi. Leikurinn endaði 0-0 og fékk liðið því sitt fyrsta stig. Fyrir leikinn hafði liðið fengið liðsstyrk þar sem erlendir sem og innlendir leikmenn höfðu skrifað undir samning.

Körfuknattleiksdeild Tindastóls hefur fengið Urald King í sínar raðir fyrir komandi tímabil. King er 27 ára framherji og kemur frá Val, var með 22.9 stig að meðaltali í leik og 15 fráköst.

Lið Tindastóls spilaði í gær þriðja leik sinn í 2. deildinni í sumar og var þá leikið við Þrótt úr Vogunum á Vogabæjarvelli og reyndust Stólarnir varla meira en létt Vogaídýfa fyrir heimamenn. Þeir náðu forystunni strax í byrjun og unnu að lokum öruggan 4-0 sigur.

Körfuknattleiksdeild Skallagríms segir frá því á heimasíðu sinni að bræðurnir Björgvin og Bergþór Ríkharðssynir munu leika með liðinu í Domino´s deildinni næsta vetur. Björgvin hefur leikið með Tindastól tvö síðustu tímabil við góðan orðstír.

Kjördæmamót Bridgesambands Íslands var haldið á Sauðárkróki um síðustu helgi í boði Bridgefélags Sauðárkróks. Þátttakendur voru um 160 manns, bæði Íslendingar og Færeyingar. Mótið er landshlutakeppni þar sem gamla kjördæmaskipanin afmarkar liðssveitirnar. Lið Reykjavíkur stóð uppi sem sigurvegari með 496,38 stig en fast á hæla þeirra kom lið Norðurlands eystra með 493,52 stig. Gestgjafarnir á Norðurlandi vestra enduðu í því þriðja með 383,12 stig.

Hjólreiðafélagið Drangey hélt stofnfund sinn í Húsi frítímans á Sauðárkróki þann 10. maí sl. en klúbburinn mun starfa undir verndarvæng siglingaklúbbsins Drangeyjar og fær nafn sitt þaðan. Klúbburinn er ætlaður fyrir alla sem áhuga hafa á að hjóla hvort heldur sem er í keppnum eða ekki.

Tindastóll lék annan leik sinn í 2. deildinni þetta sumarið sl. laugardag. Að þessu sinni var leikið við lið Aftureldingar í Mosfellsbænum og þurftu strákarnir að þola stóran skell, fengu á sig sjö mörk, en hafa nú leikið við tvö af sterkustu liðum deildarinnar í upphafi móts á útivelli.

Vormót Molduxa í körfubolta fer fram í Síkinu á morgun 12. maí og hefst klukkan 11 árdegis að staðartíma. Mótið hefur unnið sér fasta sess í körfuboltaheimi eldri iðkenda og það eina sem haldið er á Íslandi þessi misserin. Leikið er í tveimur riðlum +35 og +40 ára.